去親九龍城都係食泰菜，今次試下呢間得獎咖啡師主理既小店，地舖有得坐下外面嘆下咖啡，一入去已經聞到一陣咖啡香。
一行入去已經見到好多得獎既獎狀同獎座，所以一定要試下呢度既咖啡，一定有保證。
外面有一張枱仔可以坐低，慢慢享受下嘆下咖啡，入面都幾寬闊坐得幾舒服，仲有Bar枱位可以俾你望住咖啡師沖咖啡，係一種享受。
入面都有唔少佈置，用上左唔同既植物同花做裝飾，仲有呢個細細既夾糖機好好玩。
一場黎到緊係要叫咖啡，居然會用上好少人用既虹吸方法，因為呢種方法比起手沖實在見得少之有少，成個過程就好似睇緊藝術品一樣。
試左呢杯《危地馬拉拉米尼塔花神》($55)，飲落花香味較重較易入口，咖啡師都好有心機都介紹咖啡特質抵讚。
另外仲有呢杯《百利甜酒咖啡》($48)，上面奶泡打得超滑，混入左百利甜酒一齊，呷一下就會有甜酒既香氣，加上高質咖啡一流。
好多人食片到勁靚既牛油果多士，我地就試左《煙肉羽衣甘藍班尼迪蛋》($90)，煙肉夠脆香麵包微烘過，加上好健康既羽衣甘藍，一切個班尼迪蛋啲蛋汁就流哂出黎，一齊食清新得黎又充滿咸香味。
飽肚之選有《烤春雞配薯菜》($128)，薯仔烤過個皮好脆，烤雞個皮好香口雞脾位啲肉好嫩滑，成個都幾多肉食完真係好飽，仲有個蕃茄都係超新鮮。
店名：Rings Coffee
地址：九龍城衙前塱道8號地下
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
