粉紅控Cafe控必去，全店都用左粉白色做主調，簡單得黎又鮮明，由兩姊妹精心打造到成間Cafe既每個位都係打卡位。
一入去已經俾粉色搶哂Focus，坐住門口粉色位加上霓虹燈，影落去真係好有少女Feel，仲有聖誕裝飾加添氣氛，呢舖仲做唔到偽文青。
仲有好多唔同既小擺設俾你拎黎做道具，扮下拎住相機影你講電話又得，放杯野飲悠閒咁擺Pose影都得，牆上面果幅長頸鹿畫真係超級可愛。
門口仲有落地玻璃位，玻璃上面貼滿左好多唔同聖誕既裝飾，隻聖誕鹿勁得意，一邊望住外面一邊嘆下陽光一邊可以食住野真係好寫意。
今次我地坐入少少，台上面放左隻打卡必用既發光紅鶴，依然係用左粉紅Tone，真係超有心思。
當然唔少得呢兩盞今期超級流行既霓虹燈，用上左唔同字體寫上左唔同既字句，絕對係而家文青打卡位。
入面用左白色既設計，掛左好多畫同一啲明信片，見到好多人係呢台客食完之後坐係度不停咁影相同影相。
先黎杯超靚既野飲，《獨角獸》($48)有超靚既天藍色，一黎到已經俾隔離台係咁話好靚，面層忌廉加上獨角獸特有既銀色珠仔。
另一杯野飲叫左《伯爵茶朱古力》($38)，見到啲朱古力真係多到成個杯都有，真係幾足料，飲落滲埋少少伯爵茶既茶香味。
坐低太肚餓叫番個主食，《All Day Breakfast C》($98)，黑松露炒蛋夠香滑，加埋咸香既煙三文同德國腸，有牛油果中和下健康啲。
第二個主食叫左《牛油果豆腐沙律》($68)，沙律菜夠新鮮，再加上火龍果牛油果同豆腐，淋上麻醬一齊食好清新。
獨角獸出沒🦄《獨角獸蛋糕》($52)，賣相真係超可愛，帶女仔黎真係殺哂，外層係玫瑰入面係蜂蜜啫喱。
店名：花說
地址：長沙灣福榮街565號地舖
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言