[KJFOODLIFE 中環] 酒香清酒鬆軟蛋糕 茶香伯爵茶朱古力

呢間戚風蛋糕食過已經列入喜愛名單，個蛋糕真係勁鬆軟又唔會漏，今次見到有新出口味即時再買黎食。

見到成間舖金光閃閃已經好吸引人行埋去，仲有成大個蛋糕櫃，入面好精緻咁每個蛋糕都用玻璃蓋，即時成件事都高貴好多。

新推出既《清酒果香》($60)，一打開已經好香既清酒味，上面有無花果既果香，加上中間有軟滑北海道牛奶忌廉，再有淡淡既清酒香氣更有層次。

呢個係另一個愛食既蛋糕，《伯爵茶朱古力》($60)，一咬已經有超濃既伯爵茶味，加上蛋糕超鬆軟同上面有幾粒朱古力波波，岩哂甜品怪食。

店名：La Famille

地址：中環港景街1號國際金融中心商場3樓3098B號舖

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

餐牌:

[KJFOODLIFE 銅鑼灣] 台式老鍋麻辣鍋 足料辣味夠哂濃

呢排秋風起涼涼地凍凍地，又係到左打邊爐既季節喇，一於成班一齊圍爐，呢間黎緊12月仲有有旗艦店開幕，食番個足料鍋無走雞。

台式既火鍋度都會坐得舒服啲無咁迫，仲用左好多中式既設計，好似一度度木門咁隔開兩邊座位，另外仲有用上木筒裝餐具。

揀左兩個湯底，湯底可以揀雙拼底，收較高價錢湯底。《麻辣鍋》($158)配上多種藥材同香料🌶跟番台灣辣多於麻，小辣已經辣度十足，入面仲有鴨血同凍豆腐索哂湯汁。另一個《養生鍋》($228)用左名貴藥材同人參煲成，一兜起真係勁足料，配以火腿老雞豬肉更有陣咸香味，飲落陣人參味真係超重。

打邊爐當然唔少得要食牛肉，《美國特級牛肋肉》($218)底層用冰鎮住，有兩層都幾多片，見到牛肉既雪花都好靚，食落肉味重，點落麻辣湯更惹味。

另一款必叫既《鮮炸響鈴》($68)，呢間最正地方係即叫即炸，落完鍋食索左啲湯汁，食落唔會油膩仲好脆口。

其中好有特式既丸類，《黃金咸蛋黃豬肉丸》($58)，粒粒肉丸都係手工製，入面釀上咸蛋黃，啖啖彈牙肉丸仲有香口既咸蛋黃香。

有麻辣湯點可以唔叫個《寬粉條》($48)，仲有個麵兜用夠哂方便又夠哂貼心，淥好之後就會變做透明一條條，吸哂啲麻辣湯勁好食。

食左肉之後都要3番啲菜，叫個咩都有既《雜錦疏菜盤》($88)，入面既菜都好新鮮，粟米好鮮甜，另外仲有南瓜冬菇等等。

野飲叫左《沖繩黑糖烏梅汁》($28)酸酸甜甜，《杞子杭菊露》($28)好足料多多菊，打完邊爐飲夠哂清熱。

店名：老鍋台式火鍋

地址：銅鑼灣軒尼詩道525號澳門逸園中心3樓

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

餐牌:

[KJFOODLIFE 中環] initial x DWS 日本創作單位水影織染

Clockenflap正式開幕，除左有酒有野食有歌聽，仲有initial同日本知名墨流創作單位Dirty Workers Studio合作，墨流玩法係手拭巾上織染水影紋樣。

nitial 的攤位以白屋為本，希望用留白的形式帶黎唔同既視覺衝擊，外面係單色設計，而入面又幻彩做個強勁既反差，希望激發大家既探索心。

入面分左幾行做設計，每個都有專程日本黎既職人，純白的內部空間有一部超大型既LED 屏幕，將畫面分解做十幾個視頻，展示墨流藝術等等精彩內容。

第一步就係設計師會根據你個人既喜好或者你既建議，係膠片上做左調色，慢慢咁放色彩入去水盤中，直到成個盤都係色彩再做一啲微調既設計。

然後將手拭巾放上去做織染，手拭巾既特色係採用棉、麻等質料平織，觸感柔細，好洗快乾。不收邊的特色可以令水分可以順著棉絮尾端排出，披掛起來就能快速風乾。

第三步就係將手拭巾放係另一個水盤度過水，可以令色彩更加上色同鞏固，將手拭巾係入面游呀游，游幾次就可以拎上黎。

點樣可以快速烘乾又係一個大問題，用上左兩人威力既快速風筒拱乾，可以令到顏料更加上色同乾爽。

下一個步驟就係用蒸氣機逐部咁壓手拭巾，壓完之後整塊手拭巾會更加平滑，而本來依然濕水既手拭巾都已經完全乾左。

最後每人可以揀兩個字母印上去，店員細心咁度好位置再放上Logo同字母，親自同你確認過先壓燙，咁樣獨一無二既手拭巾就係屬於你架喇。

拎上手真係超級靚，除左可以當做拭汗的手絹、防塵的蓋布，手拭巾還可以做頭巾、髮帶、腰帶、頸巾、壁飾、包袱巾等等，店員仲會幫你綁上同幫你影相架。

店名：initial x DWS

活動：Clickenflap

日期：9-11/11

地址：中環海濱

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com