茶茶茶茶茶全部都係茶，去間專做茶味野食既店，下午茶時間去太飽無食到加入茶整既主食，放假緊要嘆番個甜品。
店內用左白色做主色，加上木系既台，成個感覺好簡潔好光猛都好舒服，店門口都有得坐，感覺好似外國係街邊飲野傾下計咁。
既然係茶既專門店，當然就放上左好多唔同茶葉產品，有好傳統中國茶餅到一啲新式設計既茶盒都有。
每台上面都放左唔同既花，夾埋野食一齊影相就會好靚，每日都有唔同推介，用人手寫左出黎仲畫上左唔同公仔幾得意。
連餐牌都好有特式，上面介紹左唔同地方既茶葉產地，仲有講番茶既出產，等客人飲野之外仲可以認識到更多。
最好玩既係《綠茶鮮奶》($39)，首先會見到係深綠既抹茶，要自己攪到起泡泡，店員都會好主動黎問你要唔要幫手，當然你都可以自己玩下先等店員整個成品出黎，整好之後先試一啖果然夠甘香。
最後就倒落去奶度，慢慢咁樣浮番上面整個漸層出黎，攪勻之後飲有抹茶既甘香都有奶既香味，比起出面甜到漏既感覺好好多。
另一杯《玫瑰阿薩姆奶茶》($40)，上面灑左玫瑰岩哂文青少女，飲落亦都有玫瑰清香味，唔會好多奶整到搶哂味，茶味都仲好出。
果日有柚子同抹茶揀，去到都係淨番一個柚子，但都係想試下呢個《抹茶戚風》($55)，一上就見到大大個蛋糕，加上脆餅同好甜既紅豆蓉，抹茶幾清香中間忌廉滑身又唔會太漏，成個蛋糕幾高質。
另一個甜品《比利時窩夫》($68)，入面係煙煙韌韌既質感，加左大紅袍同老樹紅茶雪糕，茶味濃尤其大紅袍個味好出。
店名：TEA HUB
地址：深水埗順寧道439號順寧居地下2號舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言