平安夜唔駛煩惱之選一定係打邊爐，話哂唔駛準備又可以唔駛揀食咩夠方便，仲要打得叻食得靚既，要食番個牛陣冬戀美鍋。
七點去到已經坐滿哂人，勁多人係度恰下恰下，又變得凍凍地真係岩哂打邊爐，坐低就拎番隻碟，出去夾野準備自己都十下十下喇。
首先緊係要混醬先，都有好多配料同醬料揀，一碟要豉油加勁多蒜，一碟再整多個芝麻醬就正到爆喇。
配料都有好多款，丸都有幾隻，菜都好多款仲幾新鮮，仲有好有益既羽衣金藍可以揀架。
望住啲牛一片一片咁整出黎，夠哂透明度俾你望到。
咁Romantic既鍋一個人$329，用左雞白湯，成個湯都煲到勁白，入面好多雞件，好多骨膠原係入面好補架。
最好味一定狂叫美人和牛，用上左鹿兒島既黑毛和牛，肉質好靚嫩紅色，仲有見到啲油花都係分佈得好均勻，見到已經好想食。
一放落去之後，輕輕涮5至10秒就食得，肉質好嫩呀真係，牛肉有蛋白質同維他命，食完變靚又得，得左。
除左日本和牛之外，仲有澳洲長期穀飼牛肉，豬柳肉同豬肋肉，肉質就比較結實一啲，質數黎講都唔差架。
另外仲會有一個海鮮拼盤，有一大條魷魚仲有幾件魚塊，魚塊都好嫩滑。
好大份既美肌蔬菜拼盤，有南瓜洋蔥等等，最特別係魚滑大家就食得多喇，呢度做左雞滑幾得意。仲有兩串油揚蔥卷，包住大大卷蔥撈一撈好食。
打邊爐緊要食埋啤酒，仲要係任叫架，唔飲酒都可以飲下汽水。
重要環節緊係食飽飽之後食Häagen-Dazs雪糕，總共有六款味，個個食完都不停咁係度裝雪糕食。
最後食埋個水信玄餅，淋上左黑蜜同埋黃豆粉，食完之後真係飽到上心口好滿足呀。
店名：牛陣
地址：九龍灣偉業街33號德福廣場一期G99-G100號舖
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言