而家川菜都愈黎愈多，呢度係直接由總店引入材料同湯底黎香港，將川菜真實麻味直接運過黎，真係夠哂原汁原味。
空間感都幾大，有卡位同中間雖然係一張長台但係都有分隔既空間唔會好迫，其他都好有中國特式，有扇門亦都有寫卷。
一行入去就見到招牌，用左好靚既紫色燈包圍住，夠特別又夠搶眼，亦都好迎合到呢個打卡潮流。
每個餐具都印上左餐廳名，竹筒印上左上上簽，幾個都好有唔同特式，咕𠱸都印上左好有中國感覺既圖案。
《瘋狂缽缽雞》($238)有麻辣味同藤椒味兩款，我地叫左藤椒味，總共有三十串葷三十串素，總共有成六十串慢慢食。
有海鮮有牛有雞有菜，最特別係有魷魚同鵪鶉蛋，每串既份量唔算好大，食食下就感覺到十足麻，唔太好辣既朋友仔都食到，除非你特登咬舊藤椒喇。
叫多個套餐《瘋狂大排面》($88)，BB麻BB辣唔太嗆，食到有麻辣味但係唔點食辣既朋友都易入口，加左肥豬夠入味又夠肥，仲有三大舊排骨仲啖啖肉幾抵食。
加左$68要呢個《鹵水拼盤》，包括左有豬耳仔，牛展，牛肚同牛舌，同其他有少少唔同佢係比較乾身，仲可以點呢個乾碟食，上面舖滿左香辣粉。
甜品有《成都老冰粉》，感覺上係比較實身既啫喱狀，撈匀之後食甜甜地可以解下辣味，仲有花生提子更香口。
店名：瘋狂小面
地址：中環士丹利街66-72號佳德商業大廈1樓
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言