Line Friends陪你聖誕漫遊星空，今次真係度度都靚到暈，絕對可以俾一眾Line Fans瘋狂打卡，成個展覽都係打卡位，仲有得睇有得玩有野拎。
一入去展覽就見到大大隻Choco坐住係雲霄韆鞦，由Sally變出雲霄同Brown星球，帶你一齊上太空，大家可以同埋Choco一齊坐，享受下夢幻咁坐住雲既感覺。
最有睇頭都係呢個7米Brown，完完全全咁飛上左天空，大家搭住商場既長電梯就可以一邊同Brown飛緊一樣，係下面睇真係飛得超高架。
黎到最浪漫既星光橋，Brown同Cony點會放過呢個機會，佢地一齊係橋下談談心，望下頭頂既星光幾咁浪漫，仲有星光橋係至愛既藍色黎架。
橋下仲會見到Choco同Pangyo坐住兩架小船，兩個係度玩緊捉迷藏，分別坐住小船玩緣份遊戲要搵到大家。
另一看點當然係呢個9米高既星空城堡，藍色既城堡加上點點星光，同埋好多唔同Line Friends既小裝飾係旁邊夠哂心思。
換上左聖誕裝既Brown，Cony，Boss同Moon都一齊企定定係城堡門口迎接你，仲唔快手D去攬實佢地影個合照。
行到入去星空城堡就有互動數碼遊戲區，可以創造屬於自己既星球，只要揀你喜愛既人物再影張Selfie，一經星空總署批准就可以一齊飛上太空，仲可以下載番黎帶番屋企。
另一個互動遊戲只要消費滿$100，就可以同Brown坐住小船，一齊去展開摘星之旅，帶住VR睇真係勁靚，只要收集到指定數目既星星，仲會有Line Friends文件夾一個。
Sally搖身一變左做太空橡皮艇，載住Leonard一齊穿過月光之門，仲將星星倒哂入太空變左超浪漫既星河。
點會少得最Chok既James同女神Jessica一齊遊太空，成個超浪漫既環境加上超浪漫既音樂齊齊漫遊星空。
點會少得兩個主角一齊同你地影相，Brown同Cony仲好活潑可愛咁同你地玩住遊太空。
千祈唔好錯過門口既星空，聖誕裝既Choco係門口就迎接大家，同你地係星空之下許願。
活動：Line Friends Christmas Planet at Langham Place
日期：2017年11月21日到2018年1月1日
地址：旺角朗豪坊4樓通天廣場
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
沒有留言:
張貼留言