PMQ呢個咁文創既地方，除左可以行好多唔同本地創作既產品，或者去玩下工作坊打下卡，嘆下呢個咁舒服既環境，愈黎愈多特式食肆進駐，入左呢間貓咪做主題既台式台餐影下相食下野。
未行到入門口已經俾大大個招牌吸引左，好似仿照緊台灣街頭既小攤，放左好多唔同特色既野飲樽，加上大大個台灣啤酒招牌夠特別。
入到門口首先就會見到大大個手術燈，設計都走懷念風，有好多幾古式古香既陳設。而未入到餐廳就會見到呢個小書店，可以買番本書入去睇。
呢度就係沖咖啡既地方，用左大理雲石做設計，加上一啲舊式木窗框，新穎得黎又不失古雅既氣氛。
貓主題餐廳雖然無貓玩，不過到處都有小佈置係貓設計，好似呢啲牆上面既小插畫，大大個霓虹燈既招牌，絕對係打卡好地方。
餐廳亦都係走懷舊風，分開左三間大主題，用上左一啲舊時既牆身設計，仲放左舊或工具箱，舊木桶，舊唱片機，同埋去過台灣旅行都一定見過既反核標語。
除左室內之外，室外都可以用餐，可以坐係窗邊望住外面風景好舒服咁用餐，亦都可以坐係好有特色既木板上面，感受下另一種氣氛，吹住微風更舒服。
店員送上既水，用左細細個見到既水杯，果時去人地屋企或者餐廳食傻都會用呢一款水杯，好有番去童年既感覺。
叫左兩個餐《台式醉雞涼麵套餐》($75)，最特別要介紹係個蕃茄仔有醃過酸酸甜甜好好食，醉雞酒味好濃好入味。
每份餐具都刻上左唔同既字句，有書賣既地方當然就會叫你睇多啲書，究竟而家香港既人仲會有幾多人真係會拎住本實體書慢慢品嚐入面既味道呢。
《麻醬麵套餐》($65)，麻醬甜醬都舖滿哂面，將混醬拌麵食好香，底層加上清爽既青瓜同酸酸甜甜既蕃茄仔更清新。
跟餐送上既肉丸湯，肉丸好入味，湯好似台灣飲既味道。
今次既餐具有唔同既標語，都係有隻貓仔係上面做裝飾，可愛得黎又有意思。
叫左一杯《特濃巧克力拿鐵》($42)，用左貓咪既匙，望埋啲見到個樣好得意，底層有滿滿既朱古力，飲落都幾香濃。
仲有《花生拿鐵》($42)，睇下隻貓見到都流口水，上面灑上花生飲落有微微花生香味。
甜品試左《千言萬語》($45)，有岩燒、抹茶、櫻桃同香芋揀，揀左岩燒即係Tiramisu，應該岩岩拎出黎有少少太硬，要放番陣先食。
店名：Garden Meow 喵一下
地址：上環鴨巴甸街35號元創方B座Hollywood地下HG01-HG05號舖
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言