[KJFOODLIFE 沖繩] 小巷拌麵小店 蛋黃撈辛辣麵

沖繩既國際通附近既小巷仔真係超多小店，仲要好多都好高賣素，今次我地都係轉入去小巷仔搵食，門口已經排左勁多人等位。

遠遠地見到呢個白色既招牌就係呢間小店，外面掛左門簾同埋有個餐牌可以睇下，記得黎到要係簿上名寫自己個名，唔好傻傻地就咁排係度呀。

入面其實真係幾細間，只有幾張小木枱同埋張吧枱，吧枱福利緊係可以望到店主煮麵喇，全部都係即叫即煮架。

入面夾左一啲小卡片，有一啲唔同店或者行程既小介紹，大家有時間都可以去幫襯下，另外有一啲親手畫既圖畫，枱上面就放左唔同既調味料可以用黎撈麵食。

先揀一個唔辣既《乾拌麵》(￥700)，可以揀要幾大碗，隨麵附上味噌湯，攪拌之後就食得，入面有五味調成，更可加上自家製辣油、昆布醋、或柚子胡椒醬，彈牙麵條撈滿蛋汁再加上海苔蔥花味噌肉醬，簡單就已經好食。

另外叫一個辣既《旨辛台灣乾拌麵》(￥780)，有四種辣度可以揀先小試一級辣，材料都一樣亦可自己添加，好似有洋蔥、粟米歕歕，一級既辣味都幾夠，同埋配料有菜同蛋等，材料夾埋食更香口。

店名：mahoroba まぜ麺マホロバ

地址：沖縄県那覇市牧志1-2-17

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

餐牌:

[KJFOODLIFE 曼谷] 泰國冬甩店40周年 超可愛熊大兔兔

泰國Mister Donut 40週年限定，推出一系列Line Friends既產品，每一款都勁爆可愛，真係見到都唔會捨得食呀。

成個櫃都放滿左勁多Line Friends既冬甩呀，仲有哂幾個主角，有最受歡迎既熊大同Choco，仲有兔兔Cony同Sally呀，真係見到都超開心。

先試左《熊大朱古力波堤》(THB29)，表面淋滿左朱古力脆面，中間係熊大既朱古力，成個都勁可愛點捨得食。

兔兔係士多啤梨味，《Cony士多啤梨波提》(THB29)中間就係白朱古力，買4件以上仲可以加錢搵隨行杯，款款都超可愛呀。

店名：泰國Mister Donut

日期：即日至11月30日

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

[KJFOODLIFE 曼谷] 遊泰必買必食 泰國七仔飛碟

黎緊去泰國玩既朋友仔注意，去到泰國7仔必食既早餐，次次去到日日都要整番件先安樂，店員即時放入飛碟機焗夠哂熱辣辣。

先有而家既特別版《Pork Chop Pepper Sauce Toasted Sandwich》，一咬落去熱辣辣同勁脆身，入面有香香辣辣既豬肉，再加上芝士真係好食。

另外呢個就係我最鍾意食既《Ham Cheese Sandwich》，呢一隻係火腿芝士味，每次啲芝士溶哂仲多到流出黎。

店名：泰國7-11

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

[KJFOODLIFE 尖沙咀] 脆炸咸蛋薯條 芝士玉子燒

店名都話到明你知肚餓了，既然咁餓去到就緊係要食番串燒再飲番杯酒，同朋友慢慢食慢慢傾，飲飽食醉咁樣走。

用左灰色牆身地版，有少少工業懷舊風既感覺，坐台通常都係木製既高台，如果坐入少少仲有個大大既窗口可以望到街景。

牆上面掛上左個古舊Feel既鐘同埋寫左好多餐廳推介既野食，食串燒唔少得飲酒當然仲有大大個酒架同埋唔少酒樽既裝飾。

碟上畫上左意大利既名勝都幾別致，同埋放左一系列既調味料，好似鹽、胡椒、孜然粉等等可以落係串燒度。

先黎第一串《自家製醬燒黑豚肉》($49)，用左自家製醬料夠香味，黑豚肉燒完油脂豐富，黑豚肉唔韌之外仲好嫩身。

招牌菜之一《黃金薯條》($59)，薯條熱辣辣夠脆身，上面加左有粒粒既咸蛋黃，未食已經聞到勁濃既咸蛋味。

見到人地食好吸引，叫左條《香燒原條日本鏝魚》($59)，食落唔會好淋身，搽上左日式既鏝魚汁燒更加香口。

可以配芝士蟹子或者肉鬆既《玉子燒》($38)，今次揀左蟹子，一黎已經好香芝士味，玉子燒入面仲有少少嫩滑既口感，上面舖滿左蟹子脆卜卜。

食左咁多肉都食番啲茶，叫左個《汁燒秋葵》($29)，秋葵都夠新鮮唔會燒到老哂，再加上汁燒調味。

另外一個《汁燒BB露荀》($39)，有大約七至八條度，加左沖燒都幾惹味，BB露荀好嫩身同都夠新鮮。

店名：肚餓了串燒烤焗專門店

地址：尖沙咀亞士厘道17-19號6樓

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

餐牌: