[KJFOODLIFE 尖沙咀] 必飲足料桃膠 懲罰罷工黃到金小店

納入狠狠懲罰系列原因 - 捐星火、參與罷工、FB文宣、禁用八達通

超多人懲罰既小店，去行街前一定要整番杯飲，成日飲台式野緊係要試番啲中式茶，加上每日即煲桃膠夠哂健康。

話明係唇茶緊係唔少得唇既裝飾喇，入面有幾塊畫都係用唇做主題襯番哂個店名。沖茶位用左一啲好似古代壺既顏色既器皿，令人頓時覺得好有茶味。

當然唔少得仲有連豬同埋Pepe公仔，連八達通機都貼埋標誌緊係用都唔好用，仲有好多連豬口號既貼紙買都買得舒服啲。

《六月飛雪》($34)：入面有雪梨乾、無花果乾、南北杏、南棗同壽眉🍵有好滋潤既雪梨岩哂呢排漸乾既天氣🍐茶味香又唔會甜加上桃膠更有咬囗

店名：唇茶

地址：尖沙咀堪富利士道8A地舖

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌

[KJFOODLIFE 紅磡] 良心茶餐廳 足料蕃茄湯底

納入狠狠懲罰系列原因 - 網友提供店員良心言論

其實我好鍾意食茶餐廳早餐，自從屋企附近好多無得幫襯之後就少左食，見有網友報話呢間有良心言論，於是番工前專登行去咬番個早餐。

店舖都唔少位不過真係超多街坊食，好彩我一個人易有位，之後見到有一家大細黎食都要等位，仲要係平日朝早時間就知幾旺場。

《蕃茄濃湯早餐》($32)：有成八款料可以揀，我就揀左紫菜墨魚餅，呢個幾有驚喜，大塊得黎又彈牙墨魚滑味都幾濃，蕃茄湯好多蕃茄好足料，飲落稍為淡左少少，應該少落茄膏調色調味，跟多士滿滿牛油，炒蛋就略為熟左少少。

店名：平記咖啡冰室

地址：紅磡蕪湖街78號地下

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌

[KJFOODLIFE 油麻地] 椰子都整到奶蓋 原個椰子桃膠椰凍

納入狠狠懲罰系列原因 - 小連儂牆、有派水、寫香港人加油煲底見

香港餐廳有好多店都有五花百門既野食，但如果做得好既，好似外國咁專做一樣都好夠，油麻地就開左間專食椰子既小店，店舖只賣有椰子既產品夠專。

店面有箱水派俾遊行人士，仲寫左香港人加油，入面有張好靚既卡仔畫左椰子之外仲有幫香港人加油，牆上面都有幅小連儂，新開比較少人寫，大家可以繼續加落去。

店仔細細有兩個位可以企下，外面就係接待既入面整好就可以拎出黎食，不過空間真係有少少窄只係岩岩好坐低到黎食。

《甜蜜桃膠椰凍》($55)：原個椰子都真係幾大個，上面舖滿左滋陰既桃膠再配上黑糖漿，上層有椰汁下層就係椰凍，椰凍椰味香又滑又彈，食完仲可以叫店員刮埋椰子肉食架

《椰香雪絨白桃烏龍》($32)：平時奶蓋都係用芝士整，呢度就用上椰汁，飲落會有淡淡椰香，白桃烏龍茶味夠，兩椰溝埋味道有清香又有少少咸甜味岩岩好。

店名：椰子日記

地址：油麻地彌敦道518-520號彌敦行地下B舖

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌

[KJFOODLIFE 旺角] 台式養生煙囪火鍋 烏雞湯加任食牛肉

而家潮流興養生，打個邊爐都可以做到養生，一於叫番個滋補鍋，再飲埋養生茶，加上台式獨特既煙囪火鍋夠睇頭。

台式既養生鍋，店入面都掛左一啲好古式既畫做裝飾，成個場都好大，所以唔會坐到好迫好辛苦，中間既自助區係一大張長台，都有好多食物供應。

一坐低店員就拎左四款茶俾我地揀，每款都係養生茶健康成份高，比起普通茶樓打邊爐飲既茶更加有益，分別有桂圓紅棗杞子茶、洛神瑰麗茶飲、桂花桂圓甘露同我地揀既蜂蜜檸檬薄荷茶。

出面配料區夠大，有響鈴魚皮等等，特別既有鴨血鵝腸都有得拎，仲有海鮮可以點，海蝦白蜆廣島蠔半殼帆立貝都齊哂。

打邊爐唔少得要有菜，健康之外仲可以吸下啲湯汁夠哂滋味，有唐生菜、西洋菜、油麥菜等等，見到都洗得好乾淨同幾新鮮。

當然唔少得手打魚麵同鳥冬，仲有幾款餃類，除左汽水都有涼茶可以飲，食完之後仲有自製雪糕同埋芝麻糊做甜品。

總共有六款湯底可以揀，我地就揀左《滋補烏雞鍋》，有半隻烏雞上枱，入面再為左紅棗等等煲埋一齊，一上枱就聞到陣好滋補既香味。

牛肉分種類有平有貴，今次揀左《極上澳洲和牛》($398)擦餐勁，仲送上日本和牛粒，再加上仼食和牛真係岩哂牛魔王。

除左肉類都可以另點海鮮，叫左白蜆同半殼帆立貝，一份既份量都唔少，白蜆夠乾淨無沙，帆立貝都幾大隻又夠鮮。

店名：牛膳養生牛肉火鍋

地址：旺角西洋菜南街168號3樓全層

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

餐牌: