其實已經食左一段時間，而家先醒起呢個流心牛角包，位於上環長樓梯旁小店，一直都覺得呢個區食野好舒服好慢活。
直情係外面既環境同餐廳既環境都好似去左啲外國既小區咁，坐左入去小店好舒服好柔和，望下窗外既景色就好似係特色小店一樣可以慢慢食下野飲下野。
成個風格都好簡約但又不失時尚既設計感，掛上左好多植物令到成間店都好綠化好自然，仲畫上左一個黑版既畫，同大既連鎖店唔同多左份店主既心思。
呢度既爆漿流心牛角包最出名，除左龍蝦湯之外，特別啲叫左《泰式冬蔭功牛角包》($36)，一切開小小已經留哂啲湯出黎，牛角包夠鬆脆配上惹味既冬蔭功增加左辣香味。
另一款創意菜式《有機紐西蘭青口冬蔭湯飯》($108)，青口夠大隻啖啖肉，可以自己淋上冬蔭湯配飯，冬蔭湯既味道稍為淡左，飯入面配左白藜麥、蕃茄粒、粟米粒、南瓜籽，感覺清淡。
而家都幾流行慢煮，《真空慢煮澳洲牛頰意粉》($118)慢煮牛頰肉質超淋，灑上左勁多既帕馬臣芝士更有咸香，意粉用上蕃茄汁煮略嫌普通。
叫左一杯《Dirty》($36)，但感覺上好唔Dirty，無左種espresso溝上奶既感覺，飲落espresso既味唔算好香濃。
店名：享慢煮意
地址：上環善慶街9號地舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎合作或查詢:
Email: kjfoodlife@gmail.com
餐牌:
沒有留言:
張貼留言