[KJFOODLIFE 沖繩] 小巷拌麵小店 蛋黃撈辛辣麵

沖繩既國際通附近既小巷仔真係超多小店，仲要好多都好高賣素，今次我地都係轉入去小巷仔搵食，門口已經排左勁多人等位。

遠遠地見到呢個白色既招牌就係呢間小店，外面掛左門簾同埋有個餐牌可以睇下，記得黎到要係簿上名寫自己個名，唔好傻傻地就咁排係度呀。

入面其實真係幾細間，只有幾張小木枱同埋張吧枱，吧枱福利緊係可以望到店主煮麵喇，全部都係即叫即煮架。

入面夾左一啲小卡片，有一啲唔同店或者行程既小介紹，大家有時間都可以去幫襯下，另外有一啲親手畫既圖畫，枱上面就放左唔同既調味料可以用黎撈麵食。

先揀一個唔辣既《乾拌麵》(￥700)，可以揀要幾大碗，隨麵附上味噌湯，攪拌之後就食得，入面有五味調成，更可加上自家製辣油、昆布醋、或柚子胡椒醬，彈牙麵條撈滿蛋汁再加上海苔蔥花味噌肉醬，簡單就已經好食。

另外叫一個辣既《旨辛台灣乾拌麵》(￥780)，有四種辣度可以揀先小試一級辣，材料都一樣亦可自己添加，好似有洋蔥、粟米歕歕，一級既辣味都幾夠，同埋配料有菜同蛋等，材料夾埋食更香口。

店名：mahoroba まぜ麺マホロバ

地址：沖縄県那覇市牧志1-2-17

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

餐牌:

[KJFOODLIFE 沖繩] 那霸國際通抵住酒店 近地鐵方便掃貨

成日去旅行都心大心細揀酒店，今次同大家推薦下呢間抵住酒店，地點係正國際通一落樓就可以狂買野，樓下仲要有便利店夠哂方便。

當時咁岩見到減價三百幾一晚就住到，平時都係五六百蚊。係県廳前站出黎之後，行大約五分鐘度就會去到酒店，沿住國際通一直行就會見到，要上一層先至去做Check in。

上到去見到空間都幾大幾舒服，見到有自動check out機同埋仲有一部優惠機，大家出去玩出去食飯之前都可以禁下睇下有無優惠，不過我地都係直接去櫃枱做，酒店人員都好友善好快手，一陣間就整好可以上房，電梯用左拍卡系統，要用房卡先上到樓更安全。

走廊見到有沖繩石獅，有個窗口都幾光猛，走廊用上左藍白色感覺好悠閒，同埋成個環境都好乾淨好放心入住。

今次住正左中間既房905室，一入去右邊係浴室既門會遲啲介紹，之後入去就會見到有張床，都夠兩個人訓，仲有一張長梳化可以坐係度睇下野，叉座都有幾個算係足夠。

望一望窗外見到藍天白雲，而且外面既樓唔算高所以望出去城市景都唔錯，下面就係最繁華既國際通。

入面就有個細細既雪櫃仔，方便係樓下便利店買完野就上黎雪住，岩哂可以瘋狂咁掃甜品，另外仲有電視睇，旁邊就有一個位可以放行李。

揀呢間係因為個乾濕分離既浴室同埋有浴缸加分，成個空間超大同埋真係好乾淨，日用品都好齊全。

店名：Hotel Gracery Naha

地址：沖繩縣那霸市松尾1-191-1

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com