香港生活忙到喊，就黎壓力爆哂煲架喇，一於去番個梳乎蛋精選美食節就一定岩，梳乎梳乎咁嘆野食輕鬆下。
一行到去朗豪坊門口已經見到勁大個梳乎大師既大招牌，成個海報既感覺都真係勁放鬆，入面就有梳乎既美食地圖圖覽。
除左食好野之外仲有5大既拍照點俾大家瘋狂打卡，第一個景點係一臉睡意既梳乎蛋飛上天，今次真係訓著都識飛天呀。
今次仲會有新角色蛋黃兒同大家見面，夏天熱辣辣都好細心咁照料住雞蛋仔，梳乎蛋依然煙肉當被蓋咁懶閒閒午睡。
另一個新角色一身毛毛既雞動哥都出動，唔同梳乎蛋，一睇就知雞動哥真係好鬼好動，一齊去太陽傘下騷擾下梳乎蛋。
天氣熱到死一於去雪糕車涼下，你睇呢個工人褲造型係咪懶得黎又有幾分時尚呢，咁可愛仲唔快啲買番杯雪糕。
大熱天時都可以BBQ，你見咁熱仲係個爐上面痴住腸仔烤就知道有幾好食喇，於一黎番個腸仔蛋盛宴。
場內都仲有唔少打卡位可以影相，包括左朗豪坊X梳乎蛋既燈飾，仲有唔同既畫作都好搶眼必影位。
當然主題都係美食，今次特設梳乎蛋仲夏Comfort Food精選左7大美食品牌，欣宜星級曲奇Homie Cookies今次推出左《梳乎棉芝糖流心芝士咸蛋黃撻》($25)，呢個係朗豪坊特賣入面有黃金流沙超吸引。仲有《梳乎朱古力蛋》($168)作為蛋中蛋既甜品，要敲破外殼先見到梳乎蛋破蛋而出。《梳乎咸蛋黃曲奇》($25)有埋梳乎蛋個樣勁可愛，而且咸蛋味都好出好香。好彩既我地仲見到店主欣宜在場。
摩登養生品牌CheckCheckin就推出左六款梳乎蛋既《米水或茶療套裝》($205)，輕鬆舒緩不瘦解、玻璃心、豬隊友、扮工失調症、醋狂症同宅男女6大香港社會常見症狀，仲有超靚既梳乎杯。
主題甜品店山下菓子推出港式懷舊三寶《梳乎巨型砵仔糕》($40)勁大個梳乎樣拎上手，今次真係食哂成舊梳乎蛋落肚，《梳乎懷舊大菜糕》($50)梳乎蛋造型容器超可愛，《梳乎經典糖蔥餅》($20)包裝夠哂輕輕鬆鬆。朗豪坊獨賣《梳乎蛋手工雪條連DIY模具》($130)食完之後仲可以拎番去自己整甜品夠哂抵。
鮮製香腸專家Gusteau's特製《漲卜卜梳乎香腸》($20)同。《梳乎蛋沙律熱狗》($58)印上左超可愛既梳乎蛋樣，相機食完先到自己食。《梳乎夏日涼浸浸》($58)香橙口味再配上超吸晴夜光冰粒。《梳乎蛋沙律》($98)除左涼浸浸沙律仲可以拎埋隻木製既蛋杯同小木羹番屋企。
乳酪雪糕品牌Smile Yogurt推出《梳乎仲夏乳酪蛋糕》($78)層層芒果配上雪糕，仲有招手梳乎蛋坐係上面。
港式甜品代表滿記甜品既《梳乎蛋布甸》($18)原蛋出產嫩滑既梳乎蛋出世喇，《梳乎奶蓋芒果冰》($49)一啖雪白既芝士奶蓋再加上鮮芒果打既芒果冰透心涼。
日式,甜品店i Cremeria Cafe既《梳乎蛋芒果蛋糕》($68)軟軟棉棉加上芒果夠香甜，夠可愛又有好味道。《梳乎蛋午後輕食配北海道赤肉蜜瓜蛋糕》($138)日本直送材料整芝士小蛋糕配香甜蜜瓜雪糕最後飲埋杯咖啡爽哂。
食到飽當然唔少得要去買埋野，去7樓既梳乎限定店先同外面既Welcome梳乎蛋影張靚相，再入去大手掃貨就岩哂。
咁梳乎緊係要買番件梳乎衫著，著起左日日都咁梳乎喇，仲有唔同既小精品可以買，好似貼紙告示貼通通唔少得。
當然唔少得有梳乎袋賣，細細個既手挽袋或者大大個既側揹袋都有，如果要梳乎帶飯記得買埋個飯袋。去旅行又要梳乎扮靚就唔好錯過化裝袋同梳乎行李箱。夏天落雨更加要買番把梳乎遮。
夏日熱辣辣，買埋梳乎方巾同毛巾就岩哂，一出汗就用真係成個身心都夠哂梳乎呀。
唔少得無數可愛既梳乎公仔，有勁勁勁大隻既廚師造型公仔，同埋一於掛住你既公仔匙扣，細細仔真係超級可愛。
仲有唔少既日用品，最吸引既係梳乎碟，有成五款隻隻都勁靚，真係好想全部都入手呀。消費滿指定金額或者上載照片都有禮物收，或者可以參加埋店舖既指定活動換梳乎蛋襟章。
活動：Gudetama梳乎美食遊
日期：8月1日至9月2日
地址：旺角亞皆老街8號朗豪坊4樓通天廣場及7樓梳乎限定店
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎合作或查詢:
Email: kjfoodlife@gmail.com
沒有留言:
張貼留言