新加坡天天海南雞首開海外分店，連埋幾間人氣米芝蓮店座落銅鑼灣，到而家都仲勁多人排隊，果日八點幾去到條隊仲係勁長。
門口有寫左美食聯盟，其實就係幾間好有名氣既米芝蓮店舖一齊開既餐廳，所以入到去唔止可以食到一間咁少，係一次過可以試勻哂。
一入門口見到除左食出名既海南雞飯仲有得Chill番兩杯，所以門口係一個幾似酒吧既格局同埋行入少少就會見到勁大個酒櫃。
當然唔少得個牌匱寫住人氣雞飯王，入面既設計都幾有特式，好似有將飯碗堆起做成屏風，有好典雅既風扇同埋枱，成個格局即時高貴左。
一場黎到緊係唔少得主角既《天天海南雞》($148)同《天天石窩雞飯》($68)，用上番總店既雞再落湯煮，再放冰水令肉質更鮮嫩，雞味濃厚再配上左秘製醬汁，一啖雞一啖雞湯煮既黃油飯夠滿足。
另一個好多人叫既《騰雲駕霧》($88)，其實即係山楂汁咕嚕肉，用上乾冰啲煙出哂黎好壯觀，咕嚕肉酸酸甜甜夠開胃。
食得多肉當然都要食番菜，《花香菜膽》($88)最緊要菜要夠新鮮，湯底用上菊花一黎到已經聞到陣陣清香味飄哂出黎。
既然有調酒師緊係唔少得叫番杯《Cocktail》($108)同《Mocktail》($68)飲下喇，兩杯都同樣玩左噴煙設計，水果味都幾出幾Fresh。
店名：天天海南雞飯
地址：銅鑼灣Fashion Walk京士頓街9號H2舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎合作或查詢:
Email: kjfoodlife@gmail.com
餐牌:
沒有留言:
張貼留言