蔡瀾親自主理既牛肉河粉店，採用左勇記既獨家配方，無論好唔好天經常性都係排滿人，果日去到仲有幸見到蔡瀾係度用餐添呀。
店面放上左蔡瀾既大名，寫左呢個係佢自己一生難忘的越南粉，所以將呢個佢自己覺得好食既粉帶左黎香港。
店舖分左兩層，下面果層外為高枱而上面果層就有一間獨立房，果日一上去就見到蔡生坐係入面食野同傾計，而樓梯既牆身都好有設計感。
店舖最出名既就係即場自製河粉，一入去已經見到廚房既製粉機，製成之後就直接放係隔離煮，全部既粉都夠哂新鮮滑溜。
餐紙都放左蔡瀾既畫像，畫到好得意仲有招牌既紅卜卜面，另外放左調味料等大家可以用。
可以自由組合兩款餸料既《越南牛肉粉》($68)，今次就要左生牛肉同牛肉丸，牛肉上枱有啲熟，越南粉即場整真係好夠滑身，湯頭一黎飲左啖都幾甜。
貪心啲想試哂咁多樣野就要左個特別版《特別牛肉湯河粉》($128)，入面有哂生牛肉、金錢腱、牛筋、牛栢葉、牛腩、貝殻牛肉丸，最鍾意食牛肉丸夠香同牛腩好淋。
另外叫左《越南法棍三文治》($28)，入面夾左莞茜同埋青瓜，再配上辣辣地既醃肉，法包烘過夠香脆。
店名：蔡瀾越南粉
地址：中環威靈頓街15-25號UG樓
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎合作或查詢:
Email: kjfoodlife@gmail.com
餐牌:
沒有留言:
張貼留言