2018年7月27日 星期五

[KJFOODLIFE 中環] 25年珍藏茶葉 芝士朱古力加普洱


中環新開既茶飲店，用上香港老字號既四款茶葉每日沖泡，包括左烏龍鐵觀音普洱同茉莉龍珠，四款茶都係即日泡用上茶葉唔用茶粉。





通常飲野舖都無得坐，呢間就放左幾個位係旁邊，可以一邊飲一邊坐低傾下計，用上左白色設計夠光猛仲有唔少夏日既畫作掛出黎。






見到一壺壺茶放左係度，沖出黎都見到幾濃色唔會似水咁，另外見到好多唔同靚水果，好似水蜜桃咁陣陣清香，仲有茶葉可以俾大家睇清楚先叫。




高身既係《芝士黑朱古力珍藏普洱》($48)，用上左25年雲南珍藏普洱，由於無用糖漿飲落黑朱古力較淳，上面芝士厚身同幾咸香。



另一杯係《蘋果銀毫茉莉龍珠》($36)，店舖放左好多新鮮水果蘋果同白桃全部大大個，飲落有啖啖既蘋果清新香味。


店名：Tea Library 
地址：中環擺花街24號地舖

即刻入去Like & Share埋我地既其他頻道:
Instagram: KJFOODLIFE
Openrice: KJFOODLIFE

歡迎合作或查詢:
Email: kjfoodlife@gmail.com

餐牌:



張貼者： 於 沒有留言:
標籤： ,
位置： 中環擺花街24號地舖

[KJFOODLIFE 旺角] 藍光下的晚餐 10安士美國西冷


旺角既鬧市路邊有間小餐廳，入面怖滿左藍色燈光同唔少既啤酒，食緊果陣見到人流亦都唔少，坐到全餐廳都滿坐。




入面既裝飾都比較有格調，有個店名既螢光燈，上面既架仲放左好多啤酒，岩哂大家一路食野一路飲酒傾計。



店仔雖然細細但係都坐得幾舒服，仲有外面既自然光入黎，仲有餐廳用左啲藍光照射果落都幾有情調。



叫左晚餐會有餐湯同麵包，個麵包條脆脆地有蒜香味，可以點埋個醬一齊食，另外個湯係蘑菇湯真係幾濃同食到粒粒既蘑菇粒。




先黎個《白酒忌廉汁美國馬拉蜆》($148)一見到呢個就好吸引，忌廉汁幾濃幾夠味，馬拉蜆夠哂大隻真係啖啖肉。





唔少得要食牛扒，《美國PRIME西冷》($278)，西冷有成有10安士好大塊，配上左熱辣辣既薯條，用上左自家製香草牛油可以搽係牛扒上面。



餐飲加左錢要《Double Chocolate》，大大杯都夠熱同埋真係飲到可可既香味同個朱古力味幾濃厚，加左少少奶更奶滑。



可以加$25要個甜品，揀左《伯爵茶焦糖燉蛋》，上面燒得好香脆同埋個燉蛋真係好香濃既伯爵茶味。


店名：JC Room
地址：旺角廣華街2-20號翠園大樓二期地下5號舖

即刻入去Like & Share埋我地既其他頻道:
Instagram: KJFOODLIFE
Openrice: KJFOODLIFE

歡迎合作或查詢:
Email: kjfoodlife@gmail.com

餐牌:






張貼者： 於 沒有留言:
標籤： ,
位置： 旺角廣華街2-20號翠園大樓二期地下5號舖

2018年7月25日 星期三

[KJFOODLIFE 觀塘] 高質西班牙小食 橡果級黑毛豬非一般叉燒


成日去東廣場食飯都見到呢間小食坊坐滿人，原來呢個小食坊真係非一般小食坊，賣既係高質西班牙野食，唔怪得成日都咁多人。



外面已經見到好多唔同既酒放左係度，可以一路嘆西班牙菜一邊飲杯酒同朋友傾下計，仲有隻好可愛既黑豬仔做標誌。




入面有幾張枱可以坐，再入啲仲有一個小房仔提供私人空間，除左入面之外，外面都有一啲高枱位可以坐。




店入面除左有大大個標誌之外，仲有幾個好可愛既標貼，寫住左佢地用既肉都係無抗生素無重金屬無激素無基因改造無農藥。



西班牙最正既緊係有火腿，見到櫃入面一隻隻西班牙國寶黑毛豬火腿吊住係度真係超級吸引，而且仲要有埋證書寫明出品夠哂信心。




咁吸引緊係要叫《36個月橡果黑毛豬火腿》($65)，用上左伊比利亞高原以橡子餵養既豬夠正宗同最好食，食落咸香味十足油脂豐富。




食完前菜就叫左個湯，《黑毛豬羅宋湯》($48)個湯底幾濃，入面仲加入左黑毛豬火腿同黑毛豬肉一粒粒咁更有口感夠足料。





叫左幾串串燒，《一口牛串燒》($45)一口牛配上左烤過既青椒，燒到中間嫩紅肉味濃，《黑毛豬爽梅肉串燒》($35)同《黑毛豬肋肉串燒》($35)都燒到酒脂勁豐富，每串都有加上唔同既香口椒類加上爽口既口感。




食得多肉都要食下蔬菜，《香炒西班牙小虎皮椒》($78)用左好鮮色既三色椒見到都好開胃，小虎皮椒炒完都幾香口。





主菜既《橡果級黑毛豬極品梅頭叉燒》($168)，呢個用上黑毛豬整既非一般叉燒，肉品好豐富多汁，食落較一般叉燒柔軟，再塗上蜜汁烤更入味。


店名：B&S 西班牙小食坊
地址：觀塘成業街7號東廣場地下G07號舖

即刻入去Like & Share埋我地既其他頻道:
Instagram: KJFOODLIFE
Openrice: KJFOODLIFE

歡迎合作或查詢:
Email: kjfoodlife@gmail.com

餐牌:
張貼者： 於 沒有留言:
標籤： ,
位置： 觀塘成業街7號東廣場地下G07號舖
訂閱： 文章 (Atom)