除左尖沙咀韓國街好多韓國野食之外，銅鑼灣都有唔少韓國餐廳，尤其樓上舖就愈開愈多，呢間樓上店就聚集左好多年輕人幫襯。
其實大樓一出電梯就成層都係餐廳，一出黎見到好大個架放左燈飾同公仔，仲係黑板上面畫上左店面歡迎客人。
店舖長方形狀都算幾大，不過中間啲位都幾密密麻麻咁排左一排，今次我地兩個人坐窗邊位自成一角就比較舒服同闊落。
有少少走工業風既感覺，上面掛上左好多鎢絲燈，感覺好懷舊，再加上裝修都以木系為主同埋灰灰地既牆身就更有工業風味道。
餐廳中間有大大幅既牆畫左畫，好多唔同既野食食材同好可愛既豬，仲有電視睇，餐廳都會播韓文歌，另外其他牆身都畫左唔少畫作，好似有韓國既地標都有畫上。
先黎左一個《海鮮嫩豆腐火鍋》($160)，入面都幾多材料，海鮮都已經有蜆，青口，蝦仔同魷魚，每樣都有幾隻份量都唔少。
叫左少辣但係食落都會有少少辣度，一黎既時候見到大大舊原個豆腐放係上面，上面再加好多醬，煮到紅卜卜好吸引。
食得韓國野緊係食炸雞，《無過原味加甜辣炸雞》($168)，揀左一半辣一半唔辣，雞皮炸得好脆又唔厚，甜辣味辣辣地惹味，雞肉都仲好嫩滑仲有幾款醬可以點。
配料有兩大舊薯仔同粟米，薯仔係原個上，食完之後好飽，不過兩款配菜今次整得有啲乾身。
飲品見到呢杯好靚，所以叫左杯《西柚米酒》($68)，成個紅色咁顏色超鮮艷，飲落西柚味重但俾左枝幼筒好難飲到啲冰。
另外叫左《水蜜桃碳酸水》($58)，都幾大杯其實就係水蜜桃既果汁加有汽既水，食完熱辣辣火鍋一飲就好爽。
店名：Bingo & Cook
地址：銅鑼灣駱克道487-489號駱克駅2樓
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言