平時韓國野食牛通常都係韓燒多，今次呢度韓燒之外仲有邊爐揀，用上左高質韓牛仲有幾個湯底可以揀，韓迷食番餐去一解鄉愁。
店舖位於蘇豪區，上左一輪半山扶手電梯，行過果度特色既窄窄行人樓梯，經過左好多唔同既酒吧之後，就會見到呢個韓牛專門店既標誌即係到左喇。
一入去已經俾呢個大大隻既牛吸引左，好明顯咁話你知呢度最專最出名就係食牛，個圖案整開左牛既唔同部份。
原來店舖仲有下層，店員帶我地落去就坐，果晚食食下之後都幾多人入黎食，除左普通外面座位之外，入面都有個小房仔，不過係用簾拉埋既小角落。
先黎左韓式小食前菜同埋果汁，其實有得用50蚊就可以任飲啤酒，前菜既泡菜唔算太辣但好惹味，當然仲有最鍾意食既芽菜。
先黎左個小鍋，我地揀左《燜韓牛肋骨》，個鍋用左小蠟燭座熱，個蠟燭座好靚。入面有四至五舊牛肋骨，每舊都燜到超淋，而且入面個汁好濃又幾入味，加上都好淋既配料蘿蔔一齊食。
火鍋有四種湯底可以揀，我地點左《雪濃湯底》同《泡菜牛肉湯底》，除左呢兩個之外仲有韓式辛辣湯底同蔬菜清湯底。滾起左之後試下個雪濃湯好清甜，有時外面雪濃湯唔係好夠味佢又唔會，泡菜湯就香香辣辣咁好惹味。
呢度韓牛專門店，重點緊係呢個1++韓牛，點左兩隻款分別係《肉眼》同《後腿底板肉》，呢一邊係後腿底板肉，呢個食完之後真係覺得係必叫，真係有入口即溶既感覺。
另外呢個大塊既就係肉眼，都係淥一陣就食得，肉眼食落就比較實身一啲，牛味都好重，加上泡菜味更加香口。
蔬菜都有幾款，最鍾意食就係娃娃菜，真係好岩打邊爐食，放落雪濃湯度真係好清甜，加上有金菇粟米，全部放哂落去雪濃湯度。
有得揀埋《韓國刀切麵》或者《珍珠白飯》，黎到食邊爐有哂牛味緊係要整麵食，呢種刀切麵既質口係煙韌為主，咬落好有口感。
店名：木槿花韓牛專門店
地址：中環士丹頓街33號地舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言