2018年2月28日 星期三

[KJFOODLIFE 尖沙咀] 店主手作珍珠 淡香桂花珍珠


台灣店主主理飲品店由何文田開到尖沙咀，主打每日自製珍珠，店主每日都一早起身整珍珠保證新鮮，無加人造色素做出黎。





一壺壺整好左既茶已經放好係度，店員都沖得幾快手，店入面牆上面仲見到有報道。




飲左兩杯《鐵觀音奶茶》($20)加六蚊有珍珠，奶茶就一般台式奶茶味無咩特別，試左黑糖同桂花珍珠，桂花珍珠真係有淡淡桂花香味較推薦。


店名：丸茶手作
地址：尖沙咀加連威老道地下60A號舖

即刻入去Like & Share埋我地既其他頻道:
Instagram: KJFOODLIFE
Openrice: KJFOODLIFE

歡迎報料同合作:
Email: kjfoodlife@gmail.com
Mobile: 63525193

餐牌:

張貼者： 於 沒有留言:
標籤： ,
位置： 尖沙咀加連威老道地下60A號舖

2018年2月22日 星期四

[KJFOODLIFE 觀塘] 工廈新發現 隱閉木門小店


其實好耐之前上工廈覓食已經見到佢，不過見一大道木門常關就無入到去試，情人節搵搵下又見到menu唔差就揀左試下。




唔係好大間不過座位舒服，牆上面有貼上左果排既晚餐，牆上面有畫起左店名，加上陽光同花成個感覺好sunshine。



入到去發現都唔少人，兩個人都係$520，先黎前菜《燒日本帶子配黑魚子醬》帶子燒完後變到幾細隻，沙律配上左檸檬油醋汁又幾清新。




湯有《廣島蠔湯》將蠔打碎左先煮，一飲個蠔味真係幾重幾濃，成個湯都幾厚身。另一款《嫩鴨雜菜清湯》，入面都有好多鴨絲，加左雜菜清清地唔錯。




主菜係《美國安格斯肉眼》五成已經切好左上方便食，不過再切下發現好多根位同咬落肉質都韌左少少，配左個《南瓜利可他芝士酥皮卷》，酥皮夠脆芝士好多食完都幾漏。另外有整到心心型既蘿蔔好有心思。



第二道《香煎海鱸魚柳配海膽忌廉汁天使麵》，魚皮煎得香脆魚都夠滑，天使麵無拿埋一舊海膽汁都夠濃沾滿天使麵。


野飲杯朱古力真係超推介，見到勁濃已經覺得好足料，飲落真係勁好飲朱古力味好重又唔會過甜，飲到尾仲有好多朱古力溶左係度。



甜品《朱古力布朗尼配熱情果雪糕》，布朗尼外層太硬，但入面軟身朱古力味濃。熱情果雪糕足料真係咬到果籽，酸酸地中和下甜味。


店名：Sunprime Cafe
地址：觀塘成業街19-21號成業工業大廈1樓06室

即刻入去Like & Share埋我地既其他頻道:
Instagram: KJFOODLIFE
Openrice: KJFOODLIFE

歡迎報料同合作:
Email: kjfoodlife@gmail.com
Mobile: 63525193

餐牌:


張貼者： 於 沒有留言:
標籤： ,
位置： 觀塘成業街19-21號成業工業大廈1樓06室

2018年2月21日 星期三

[KJFOODLIFE 昂坪] 昂坪小秘境 木刻心經簡林


趁熱番又陽光普照，最好緊係去郊外行下，之前生日優惠免費坐左昂坪360，除左大佛同寶蓮寺，其實行入啲有個小秘景都好靚。






因為當時唔知天氣好無就無買定飛，去到果度先至排隊買飛，原來普通車廂來回已經要$210一個人，坐大約四五個字就去到，沿途都好穩陣睇到風景都好靚有山有水，仲見到有人行緊山。




新年當然會有唔少佈置，有大鑼鼓有花藝佈置，入面古色古香享受下清新空氣都幾舒服，當日都有唔少人趁天氣好黎玩下。



行到去食豆腐花，食完之後仲見到外面有兩隻牛係度，好多人走埋去影相，但係有啲人去搞佢地就真係唔係咁好，到我地走既時候就放左勁多隻出黎成條路都係。






邁向大佛既地方就會經過大門，經過大門仲會遙望到大佛既跡影，影埋去都幾壯觀下架。



當然我地行果幾萬級樓梯上大佛，今次既目的地係呢個心經簡林，大家會見到有路牌指你去寶蓮寺旁邊小路轉入去就會見到個木牌，大家跟住指示一條路就會行到，經過左好多樹空氣都清新啲。仲有一大片草地，上面有張空椅好似拍MV咁。





仲經過左一啲舊屋，已經無哂人住，連樹都生埋入去都放左幾耐，仲有一個士多仔都已經廢棄左，另外呢個大樹下應該係以前乘涼既地方好有特色。




行左大約十至十五分鐘就會見到鳳凰既標誌，呢個時候大家唔好向前行住，唔係就會上山架喇，望一望你既右手邊就到達要去既地方喇。







一入到去就會俾好多好巨型既木刻包圍，播住心經一邊行一邊聽，加上陽光照射落黎感覺好舒服。心經簡林其實係國學大師饒宗頤既墨寶，刻左般若波羅密多心經既經文，成個環境好壯觀。行上去仲可以望埋群山同南中國海，去昂坪不彷行入少少感受下。


走既時候岩岩見到日落，搭住纜車睇日落真係好靚，得閒去下郊外睇下行下個人都舒服啲。

地點：心經簡林
地址：離島大嶼山昂坪

即刻入去Like & Share埋我地既其他頻道:
Instagram: KJFOODLIFE
Openrice: KJFOODLIFE

歡迎報料同合作:
Email: kjfoodlife@gmail.com
Mobile: 63525193
張貼者： 於 沒有留言:
標籤： ,
位置： 離島大嶼山昂坪心經簡林
訂閱： 文章 (Atom)