望住隻蛙周圍去，成日又唔肯番屋企，咁自己又未有得去日本玩番轉，唯有係香港一食浜燒解鄉愁，等遲下先可以去日本大食特食。
門口已經掛上左大大個日本水產既布幕，另外仲畫上左唔少水產圖好五顏六色，仲寫上左唔少當造既水產。
一入去已經聞到好大陣浜燒蟹既香味喇，會搞到人勁想食，座位都隔得幾開唔會同人地太親密，放左個小郵箱幾得意。
除左普通座椅之外，有個好日式既地方可以坐，好岩一班人坐係度燒下野食把酒談心既好地方，天花都掛上左唔少日式既燈同佈置。
牆上都貼滿左好多日本酒名，仲掛上左唔少日本既海報，仲有潛水衣好得意，成間店都充滿左日式既風味。
刺身就係係外面，大家可以望得一清二楚，另外旁邊仲有個大水缸，望到啲海鮮生生猛猛咁係入面真係超級新鮮。
當然唔少得餐具都好有日式風味喇，另外每台仲會有唔同既調味醬料。
先叫左一大堆小食，最先黎既係《辣味炸豆腐》($38)，外層黃金炸得香脆，入面豆腐仲係超嫩滑，加上少少辣味幾開胃。
第二道係《魚子焗薯蓉》($45)，一上台就見到真係勁多魚子，再加上辣辣地味既明太子個味都幾出，薯仔都好淋。
第三道係《醋漬蕃茄仔》，呢個係店員推介我地食，有幾粒細細既蕃茄仔，已經整到淋哂入口估唔到會有陣甜甜既味道。
刺身要左《関脇3点盛》($160)同《活象拔刺身》($158)，店内有水缸象拔即點即撈既切超新鮮，3点盛有三文魚油甘魚帆立貝，全部厚切無根夠鮮味。
想咩都試下就揀左《什錦天婦羅》($150)，全部既皮都勁薄，唔會食到成日炸粉同油，海老大大隻好好食，仲配上左大蔥蕃薯等等。
必叫《焱丸蟹噌甲羅燒》($68)，包左蟹膏蟹肉鵪鶉蛋蟹籽，雖然牆上貼左要點樣燒，不過店員會幫手燒聞到陣香味已經流哂口水。
倒左個蛋落去之後就可以燒，燒到咁上下就將所有野撈匀，食既時侯加上青瓜絲搞掂，一食陣鹹鮮香味溝埋一食勁正。
下個就開始到貝類，先黎細隻既《白酒蜆燒》($45)，燒到一半店員就會剪開個上殼，之後倒上清酒，食落蜆仔都係漲卜卜仲好大陣酒味。
再加個《海膽帆立殻燒》($85)同《三文魚籽帆立殻燒》($80)，燒既時侯倒上清酒同醬油，帆立貝燒完仲好大隻，食落有酒味牛油香同醬油咸咸地調味。
有幾隻水果味既燒酌《洋梨燒酌》($58)，食完咁多燒野食之後飲番杯真係一大樂事。
店名：焱丸水產
地址：銅鑼灣謝斐道440號駱克大廈B座地下C2地舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言