新年之前高高興興放假，咁開心緊係要應下景食番餐高興，夜晚去仲係超多人，位都坐滿哂，同之前既設計都無咩變。
一入去當然會見到呢個妹妹理髮廳，其實係類似bar枱一樣，可以坐係度食野，一直覺得望住塊鏡見到自己食野個場面好搞笑。
牆上面唔少得有木櫃，不規則咁砌出黎有特色上面仲放左好多懷舊野好襯個主題，另一邊就畫左好多舊時既物品好似黑膠錄音帶都係細細個果陣既產物。
其實個場都幾大，坐得都幾舒服，牆上面有唔少既標語同好有特色既設計，原來而家台上面都已經可以俾埋人坐。
餐廳一角唔少得呢個髮廊燈，仲有好多好可愛既畫，隻班馬真係超可愛，仲有句我好鍾意既"Dreams Don't Work Unless You Do"，另外唔少得一啲懷舊電話。
用上左開放式既地方，可以見到沖野飲既情況，仲有唔少蛋糕係雪櫃可以自己揀。
當然唔少得就係個表演台喇，除左有平時表演用既喇叭，仲有個高興既霓虹燈可以打下卡，月球笑臉都唔可以錯過，最正係有一堆回憶漫畫。
另一邊就係扮五助委員會，放左好多Poster，好似真係以前果啲街坊福利會一樣，仲有一個Happiness既燈光牌，襯番個店名。
個小食《黑松露醬粗薯條》($42)，一黎真係超級大盆勁抵食，仲要薯條夠粗同熱辣辣，黑松露醬好香仲要超大兜，極高性價比。
主菜叫左初相識男女唔可以食既《青口魷魚墨汁意大利粉》($76)，我地一齊咁耐緊係唔怕喇，一食成個口就黑哂，可以你笑下我我笑下你幾高興，食落咸咸地夾埋有四五舊青口。
另一個《地中海香魚焗原條鱸魚》($158)，用錫紙包住勁多鹽焗中間再塞香草入魚，相機食完店員先再拎入去拆開，呢個就係一黎果時既樣真係超壯觀。
一整開入面真係好多香草勁足料，就咁食都好入味或者放啲檸檬汁都已經好夠，個醋汁本身好食但唔駛點太多唔係搶走哂魚味，中間一條大骨食落有少少骨都易食。
叫左兩杯野飲，跟主食仲會有半價十幾蚊一杯真係好抵，一杯係《士多啤梨乳酪沙冰》($34)，士多啤梨味都幾濃仲有好多士多啤梨醬。
店名：高興
地址：觀塘成業街19-23號成業工業大廈地下2號舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言