前幾日開始涼涼地，係時侯打邊爐喇，今次去試下呢間主打辣既邊爐餐廳，有少少唔同既係呢度用左青花椒黎做辣味湯底。
大大個辣椒係店入面做裝飾，究竟你可以食幾辣呢？
座位同座位都隔得幾開，唔會坐得好辛苦，同隔離台既人都會有番啲空間。
當然有打邊爐必用既配料，我一定係要多蒜多蔥花，溝埋豉油同麻油就更加香喇！好鍾意呢個設計，可以三個放埋一齊轉下轉下，咁就超級方便。
第一次食所以唔知究竟有幾辣，辣度總共有三度，先試下一度辣既青花椒麻辣鍋($78)，唔似平時麻辣有層油係面，反而用左好多青花椒黎煲，一黎已經聞到陣麻辣味。
要食辣野一定要點啲索辣味既配料，《冬瓜片》($22)一黎就先放入去慢慢滾，整到超淋索哂啲辣味再食簡直一流，冬瓜超淋超入味。
打邊爐點少得叫菜，《娃娃菜》($28)真係要早少少放，如果太遲放會索左好多油，但係呢個真係超吸味，最後放左落去真係辣左好多。
《炸午餐肉》($28)，炸起更香口，就咁食都超好味，點埋麻辣湯就更入味。
打邊爐對我呢個食肉獸黎講，點可以唔叫牛呀，《雪花肥牛片》($98)，啲紋夠哂靚，淥一淥就食得，肉味幾濃就咁食都好夠味。
仲有必叫既《響玲卷》($38)，即炸夠哂脆，可以點沙律醬都可以浸哂麻辣湯更惹味。
《羊肉片》($58)，大大塊咁上，一放入口麻辣味再加羊羶味真係食到唔停得口。
仲有幾少見既《鮮魚鏢》($48)，黎到既時候漲卜卜，店員幫手剪開之後就淥，食落好爽口。
店名：辣度餐廳
地址：荃灣享和街43-49&53-59號都城大樓地下E1號舖
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
