秋天黎到喇，涼涼地緊係要同楓葉瘋狂打卡，呢期做緊楓葉主題既Partyroom。
要介紹既就係呢間位於荃灣既920，場地有生日既佈置，不同用途都做得，想點佈置都可以同佢地傾架。
一行入去已經覺得勁大間，又有勁大梳化，坐十幾個人都仲得呀，仲舒服過屋企。
仲有一大張台，就算叫多多野食都唔怕喇，實放得哂慢慢食呀！
玩住波波扮露營都得，可以玩下偽露營，小朋友黎到都有個私家角落俾佢地玩。
今次既主題係楓葉，真係有大大棵放左係度俾你任影唔嬲，簡直係秋天既打卡首選。
仲有好多唔同既裝飾，有外太空有長頸鹿，去慢遊太空又得，去走番轉森林都得。
有得大大聲唱K，點歌機有成過萬首歌可以揀，最正係有部4K既65吋大電視，任點任唱包你過足癮。
有好既點唱機緊係有埋正到爆既音響，仲有四支咪唔駛爭崩頭都唱到。
好搶眼就係有成個座駕位係度，仲有PS4打機最正係個軚盤可以飛番轉秋名山，有過10種既game俾你揀。
唔打機仲有麻雀打，係時候要搵夠四個人開個四方城大殺四方。
唔玩咁激烈既遊戲都仲有好多boardgame可以玩呀，呢度只係一小部份。
我既年代點會少得DEAL，你仲記唔記得點玩呀？一齊去儲夠地喇。
唔少得大富翁，仲要係全球化版，玩到唔捨得走都似呀。
唔想俾佢食左就要小心喇，唔好禁錯佢隻牙呀。
鬥完力緊係要鬥智喇，BIINGO到就話你叻。
賭神上身，玩完大細玩埋魚蝦蟹，等我買番個圍骰先。
有飛標俾你任掟。
仲有勁大隻熊俾你又攬又影，簡直係女生同小朋友既至愛。
呢個有咩用架呢，如果你想靜靜地傾下計，呢度係可以飲茶架，仲有咁專業既設備。
做好隔音有得大大聲玩都得，你唱得幾大聲都無人話你呀！一百蚊玩足三個小時抵到爆
店名：920
地址：荃灣荃運工業中心二期abcd座21d
電話：6685 2363
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
沒有留言:
張貼留言