黃埔真係愈黎愈多餐廳開左，係民泰街就有一排餐廳俾你揀，一望有間黑白色大大隻八瓜魚樣係門口既餐廳都幾型，原來直接用左街名做店名都幾易記。
正所謂金漆招牌，緊係要金漆先夠型，上面有大大隻店名同招牌八爪魚。
室內用左雲石餐枱，配上白色牆同柔和既燈光，成個感覺都好舒服。
入面都有個大壁畫，畫左潛水員同八爪魚既搏鬥過程，要捉到隻大大既八爪魚黎開餐。
水吧當然唔少得要有咖啡機喇，同埋後面放左個好正既木架，放左裝飾之外仲有唔同既酒同酒杯。
細緻既地方係連碗碟都勁靚，唔係用白色一隻碟咁俾你而係分左唔同顏色，望落都覺得有心情啲，連刀刀叉叉上面都印左餐廳既名。
是拉差～是拉差～呢排成日廣告成日都聽到呢個名，是拉差雞翼($52)炸到超香脆上面沐上搶眼既辣醬，個皮炸勁勁脆雞肉又幾嫩。
每個雞翼上面都加上紅噹噹既越南辣醬，每啖食落都好惹味。
伴碟既仲有勁脆既蕃薯片，有黃色同紫色，食落真係超脆又唔會勁油，超加分。
沖繩海葡萄吞拿魚蕃茄沙律($98)，又係全紅勁搶眼，每舊蕃茄都勁fresh又唔會酸，加上粒粒吞拿魚一齊食好清新。
上面仲有海葡萄，一串串咁加埋黎食，好掛住沖繩食既海葡萄呀，不過呢隻未夠咬口。
要左個午餐既西班牙海鮮焗飯($78)，驚實在太飽無要到正餐焗飯，會有中國果隻臘肉，咸香味應該幾重。呢隻焗飯唔似risotto咁半硬身，反而係淋身同加左煙火腿幾夠味，幾款海鮮都幾新鮮，最怕食梅蝦。
蜜桃柚子茉莉花茶($50)，店員好細心咁問要唔要少甜，所以最後飲落唔會太甜，如果太家唔太好甜記得要叫，入面仲有真水果既蜜桃同柚子。
焦糖咖啡($40)，用左玻璃杯上，飲落caramel味好重。
甜品要左個法式焦糖燉蛋配桂花烏龍功夫茶($58)，蛋都幾滑加上桂花味濃既功夫茶又幾夾。
店名: 民泰四七
地址: 紅磡民泰街47號安榮樓地舖
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
