作為汽車維修員拎住士巴拿係好正常架，一行入去就有股工業味既餐廳，左邊賣皮革飾物既潮店左邊係餐廳。
大廈依然用左舊式既電梯，要拉開一道重重既鐵閘入去同出去，好似拉開就進入左英式既地方咁，一出去見到大大張木造既工作枱同勁香既煙燻味道。
同左Growth Ring & Supply同埋Alternative Country合作，所有傢俬都由Growth Ring & Supply一手包辦，左邊商店有不同牌子既產品賣，但係係工業風既大地方入面又好match既感覺。
咁型既電單車簡直係呢度既招牌，一大架咁泊左係門口勁搶眼，勁有復古風味。
仲有衫同鞋賣，真係包羅萬有。另外仲有皮革工作室，有好多皮革產品賣，好vintage既感覺。
餐廳旁邊有一塊Love Wall，上面掛左好多唔同人寫野既牌仔上去，側邊仲有筆可以俾你用架，裝住筆既就勁有以前既刷牙杯Feel。
全家餐廳都用左木系同工業風既風格，一系列既古董凳，最有特色可算係枱，其實係由日本既大門改建而成，真係超有心思。
連裝餐具既都唔馬虎，用左古舊既刷牙杯，仲有大家見過既福字同求結同心裝牙簽同糖。
餐牌用左小時候既練習簿超懷舊，上面仲畫左in love with the GOOD OLD days，感覺上好似以前上堂無聊係上面畫畫咁。
香檸芝士忌廉汁雞絲意粉($120)，食落就好似無咩香檸汁既味道，不過芝士味幾重幾出，雞絲份量都幾多又唔會鞋口，幾岩我地口味。
特別點左炸咸牛肉意大利飯($98)，一上黎就要問個問題，飯呢？原來將咸牛肉撈飯炸成長方形，好有新意既整法。咬落似飯焦咁脆，點少少雜菜湯更好味，雜菜湯都勁足料同蕃茄味好濃，不過咸牛肉食得多都真係幾口渴一定要share。
Tiramisu($68)有別於坊間，口感硬身似雪糕，有啲似affogato咁淋espresso上去，咖啡味一定超香濃幾有創意。
店名: Oldish
地址: 觀塘巧明街99號巧明工廠大廈5樓AB室
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言