古埃及木乃伊殺到香港，大英博物館借出六具屬於3,000至1,800年前在埃及生活和死亡的木乃伊同陪葬品展覽，今次展覽都幾高科技，除左有展品睇之外有唔同影片介紹，仲有用左CT Scan透視裏屍布下的體格死因同飾物等。
由上樓梯開始已經有影相位，好似歡迎你進入去古埃名既世界。不過真係好多人，加上天氣勁熱真係大汗叠細汗先排到入去呀！
終於排到入去，買好飛就準備入場喇！
經過左一系列既光影隧道之後，就會有一段影片介紹木乃伊，主要係講其中一具既來源同故事，關於內斯達華狄特成為木乃伊既過程，影片好靚同介紹得好詳盡。
入去都好多展牌介紹木乃伊既資料，包括呢個製作木乃伊既方法，講點樣抽取體內的內臟同搽上香劑保存。
內斯達華狄特既介紹，係一個大宅既女主人，證明係已婚既婦人。
內斯達華狄特總共有三對棺木，由棺木既風格同品質顯示來自古埃及既首要宗教中心底比斯，由棺木觀察可見內斯達華狄特黎自富裕既家庭。
死亡之書入面既咒語，不會長蟲不會發脹不會腐爛。
另一個展品係烏賈霍的頂角錐石，即係放係棺木上面既金字塔微形版，描畫左人民拜祭神明既情形。
胸飾係印上左防腐之神阿努比斯既形態，胡狼上面畫左佢既名具有保護力量同護身符。
阿努比斯神木係用黎守護墳墓，也保護放左入面既棺木同木乃伊。油上左黑漆用於象徵住重生，放係棺木既末端，尾巴就係棺木邊垂低。
另外右上角會有裹屍布，呈現番包木乃伊既布料。下方有咒文既布飾。
卡諾皮克罐用做防腐處理，將胸腔同腹部拎出黎既器官放入去保存。呢副係放其中一個男士既器官。
石碑用係紀念尼弗拉布，村落居住既工人係負責修建帝王谷既王陵，石柱頂既四具木乃伊就係尼弗拉布同佢既近親，見到孫兒正幫木乃伊開口令佢令以呼吸受飲食。
下一個展區就係塔木特，為眾神之神阿蒙既祭司康蘇莫寧既女兒，因為身家顯赫會係重要既宗教建築物入面參與祭儀。
木乃伊上說明左保存遺體係古埃及人對死亡既回應，上面刻畫左祭祀儀式，有塔木特既祭儀樣貌放左係上面。
呢個就係先進科技反映出黎既木乃伊內部，會見到好多護身符，認為係具有法力可以保護死者同令佢得到永生，因為電腦斷層掃瞄可以以唔損壞既方法見到正確形狀同材料。
托特同荷露斯潔淨儀式既其中一塊石碑，本來係放係墳墓入面，放係奈斯敏祭司兩邊，正係賦予緊生命力既水做祭品。
呢塊石碑係希臘法老王向神聖家族阿蒙獻上瑪特，代表住真理同正義。
第三具係阿克明的祭司艾爾都奴，掃瞄到既大約35-49歲，連病理情況都知道，有牙齒病變，脊椎損傷。
呢個就係艾爾都奴既掃瞄，都有好多唔同既護身符。
呢一塊係為兩位人刻既碑石，右面係書吏同左邊既樂師，兩者都同艾爾都奴有共通點就係供奉神祗象徵生育既敏。
呢個石像好大個，係力量強大既女神塞克邁，勁有破壞力既女神，被太陽神拉派去抗敵既神，佢亦同瘟疫有關，所以要安撫到佢先可以去除疾病。
安科華希布拉的《死亡之書》紙莎草紙。古埃及僧侶寫成，當人逝世之後會咒語符號，驅趕蛇或鱷魚等在死後世界中危險的動物。
中間有好多唔同形狀既護身符，古埃及人用以保護自己，避免撞上猛獸或野外受傷。
旁邊有展出日常用品，同日常生活會做既事情。
神廟牆上面既浮雕，畫左國王向神奉獻食物，呢度係祭品桌既一角，有三塊不同形狀既麵包一大塊肉同一串紫葡萄，仲寫住獻酒。
來自底比斯的神廟歌手，係35-49歲既女性，有牙齒脫落既病理。掃瞄之後好特別咁足部同身體分開左，舖滿左好似黃金碎片既神秘物體。
古埃及都有假髮，係象徵左年歲性別同社會地位，地位高既都會短髮或者光頭，再戴上用真髮做既精美假髮。假髮可以隱藏移後既髮線同防止頭蝨病。
項鍊生前死後都用作裝飾，所以好多陪葬品都會見到，通常有用寶石，金屬，骨做成。花亦都係其中一種常見既圖案，代表住生命與生育。
最上面既尼姆洛手鐲有青金石，顯示一個小孩坐係象徵創造既蓮花上面。
寬領飾係最有特色既埃及首飾之一，解作寬闊的意思，由多行不同既珠串成，通常係墳墓的浮雕女性胸前飾物都會見到。
呢個木乃伊比其他足足細左一半，因為係一個兩歲既幼童，將幼童做成木乃伊係羅馬時期較多，哈瓦拉係綠洲入口，鄰近居民通常都係度做墓地。好離奇係佢既脊椎同肋骨都有損傷，可能係製作木乃伊整成。塗金既木乃伊顯示佢係黎自上流社會。
呢個就係幼童既電腦掃瞄，見到體積真係好細小。
古埃及既小朋友好受重視，因為當時既夭折率好高，所以好少好盛大既喪禮。
展示左古埃及小朋友既服飾同鞋。
石像係祭司伊圖同妻子同坐，中間就係佢地既兒子，反映左古埃及人對家庭既重要性，男性既皮膚會整成紅色，女性就係黃色。
古代既玩具，同而家既都好似，有陀螺，有木馬，有拉尾巴會整大口既老鼠。
一系列既模型好生動。
最後一具係不詳既年輕男子，當時泥紙棺已經取代較貴既棺木，製作較易亦都更貼近身體。其中一個代表就好似上圖咁面上無傳統的面具，反而有一塊羅馬風格的肖像，但其實男子過重同畫出黎既樣有所唔同。
呢個係羅馬時期既木棺棺蓋，設計垂直擺放，有少少紅色顏料同塗金色面，將死者同埃及眾神聯繫起黎。
喪葬面具係羅馬時期已經用緊，頭部有重要既意義，是感官所在之處，食物進入身體既大門同語言既出處，所以有法力咒語既面具可以以神聖力量行事。
兩塊石碑描畫左羅馬風格既死者，有少少挑戰埃及傳統，面向正前身穿羅馬長衫而右邊女人訓係床上，唯一有既之係阿努比斯。
另外仲有了解埃及生活既遊戲，呢個就係古老既棋盤遊戲。
介紹金字塔興建知識，同時俾你感受下係唔同斜度運輸既力度。
介紹電腦斷層幫助考古掃描。所有展品既資料都幾詳盡比之前做既展覽更出色，仲可以預約玩VR密室逃脫了解更多金字塔既秘密。
活動: 永生傳說 - 透視古埃及文明
日期: 即日至10月18日
地址: 尖沙咀科學館道2號香港科學館地下展覽廳
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
沒有留言:
張貼留言