任食時間又到，放題時間又可以瘋狂食，今次去左銅鑼灣樓上一間放題店食，食下食下都幾多人入黎食。
一入門口就見到好大隻布甸狗歡迎你，坐係度等緊你黎一齊食野。
座位都幾舒服，唔會好迫，放題一叫就叫好多野，張枱都仲放得落。
首先叫第一輪刺身，因為加左$38可以食多幾款高級食材，會有大隻既帆立貝，蟹腳同赤蝦。
隻雪場蟹腳真係好大隻，入面仲有好多肉食。
加多$18會有個鍋，叫左海鮮鍋，入面有蝦有青口有鮑魚仔，仲有兩隻好可愛既鴨仔魚蛋架！
另一款就係安格斯牛柳，牛味重，醬汁有少少濃。
仲有黃金焗蠔都大大隻，上面仲舖滿薯蓉焗香。
鵝肝多士，面包上面先搽上牛油，再放煎香既鵝肝，入口都幾香。
牛魔怪點會少得牛舌同一口牛，兩款同樣用鐵板炒好再上，油香味十足。
試左幾款火炙壽司，其中和牛壽司最好食，唔會韌又入口牛既油脂滲出黎，encore左舊再黎食。
天婦羅都係放題唔少得既，大蝦天婦羅都幾大隻。
貪得意食炸香蕉，估唔到又幾好食幾夾，甜甜地幾好味。
串燒真係唔少得，翠玉瓜幾鮮，羊肉夠膻味至鍾意。
仲有最鍾意食既燒菠蘿，菠蘿鮮甜又多汁。
店名: 組長日式放題
地址: 銅鑼灣駱克道491-499號京都廣場10樓
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言