如果慶祝或者一大班人食野都好，都想有個方便又靚景既地方。呢度位處銅鑼灣對住維港食飯，又可以靜靜地慢慢地食既餐廳。
一入去就係廚房位，如果大家有興趣一出去就會見到廚師炮製晚餐，入面可以分開幾間小房仔，而且有道厚厚既間板牆，有私人空間得黎又幾隔聲同唔會成陣油煙味。
除左靜靜地食之外，仲可以望到維港景，兩個人慢慢撐下台腳望下景，然後逐道慢慢上菜慢慢食，咁就一個夜晚。
前菜有個《Parma Ham》入面配上左鮮甜既密瓜，另外新鮮既茄片上面搭上左濃濃既芝士，唔少得緊係有餐前麵包。
前菜已經用上鮑魚，《Japanese Top Grade Abalone》日本既鮑魚配上左日式清酒醬汁，炆煮入面配上清甜蘿蔔。
餐湯有《Creamy Sweet Corn Soup》，飲落係好濃郁同杰身既栗米湯，上面放埋脆脆麵包粒再配上3.6牛乳，另一款則用左17種菇煮成，包括左日本本菇、意大利白菌等等。
意粉方面係《Hokkaido Scallop Pasta》，帶子勁厚身，微微煎香已經好食，食厚厚帶子真係好滿足，底層係橄欖油意粉。
主菜有兩款，第一款《Honey Roasted Barbera Duck Breast》，鴨烤至半熟咬落香口，配上左紅酒汁。擺盤好靚，用上左紅菜頭汁同埋茄仔薯仔。
另一款係黑毛豬《Pan-seared Slow-cooked Iberico Pork》，用上慢煮方式顏色鮮嫩，口感更加嫩身，加上脆身紫薯片同扁豆。
點少得甜品，《Notte Tiramisu》用上高身杯裝，除左軟滑Tiramisu，仲有咖啡啫喱增加口感，再灑上脆脆既Almond Crumble。
店名：Notte
地址：銅鑼灣告士打道229-230號宇宙商業大廈10樓全層
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎合作或查詢:
Email: kjfoodlife@gmail.com
餐牌:
沒有留言:
張貼留言