今次我地一上就上到38樓，去到高高既餐廳慶祝，可以望到勁大個維港，仲要係酒店幾grand既環境食飯，慶祝都係唔錯既選擇。
成個場地都幾大樓底而好高，同埋成個格局都好有格調，一入去中間就放左個酒台，慶祝當然要飲番一杯，唔少得仲有酒吧台可以坐，食飯又得飲下野又得。
最開心係坐親窗邊就會見到勁大個維港景，今次真係睇足270度既維港，而且較岩時間食晚餐仲可以坐定定就睇到幻彩詠香江。
叫完野食就先黎個麵包，好耐無見過既三色牛油，中間係普通牛油，最底係最好食既有蒜香，麵包除左兩個鬆軟既仲有兩條脆脆。
店員推薦既《蟹肉雙重奏》($188)，好特別地用左冰水晶球，成個都凍冰冰都好特別，藍蟹肉沙律再配上阿拉斯加蟹腳，混入牛油果同芒果夠鮮甜。
唔少得要食番個《新鮮生蠔》($168)，當晚既生蠔黎自愛爾蘭，隻隻都幾新鮮，一陣間就清左盤。
主食《自家製小麥意大利麵》($288)，自製小麥意粉彈牙又好掛汁，有陣陣麥香味，入面配有海鮮包括魚塊、八瓜魚、蜆肉等等幾豐富。
另一個主食《香烤10 oz Prime美國肉眼扒》($368)，餐廳有牛柳同牛扒，想大大塊咁食揀左鋸扒，半熟加上紅酒汁，再拌上熱辣辣既脆皮薯條好滿足。
慶祝既一定要叫《玫瑰花雪糕》，呢個直情表演一樣，先用氮氣冰左雪糕，再凍埋可食用玫瑰花，等佢散落係盤上，淨係睇都值回票價。
店名：AVA Restaurant Slash Bar
地址：尖沙咀赫德道8A號麗景酒店38樓
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎合作或查詢:
Email: kjfoodlife@gmail.com
餐牌:
沒有留言:
張貼留言