反斗車王出到第三集接受黑旋風挑戰，黑旋風夠哂威麥坤今次點贏呢，一齊去睇下呢個1:1既戰車先入場睇戲喇。
一黎到緊係要睇主角麥坤喇，真係大大架車放左係度俾你睇架，上面仲有今次比賽個獎盃。
下一個就到麥坤既對手黑旋風喇，成架車都係黑色反哂光咁真係幾型架！
最後一架就係新手教練小薑喇，黃色好搶眼呀！1:1造型既三架車放左係度好似入左賽車世界一樣。
上到G層就會有互動遊戲區及拍照專區，除左有PS4可以試玩之外仲會有搖控車賽道，一於頭搖又尾擺，自己去飛個車！
仲有校巴姐可以影相，真係可以行埋去影架，一於黎個親密selfie先。
去到L2層就會有貼紙相機、自製姓名貼紙機同銅幣製作機，呢部就係銅幣製作機，可以壓有反斗車王公仔既銅幣做紀念呀！
貼紙相機可以揀反斗車王既背景影張相，好耐無玩過貼紙相喇！
UG層會有MATTEL限定店及遊戲專區，好多反斗車王既玩具買呀，成個攤位都係車，最正係放出黎果十幾架車仔，好想儲齊一套。
重頭戲緊係去掃貨喇，有反斗車王同pixar既產品任你買呀，你睇下幾多野可以揀！
Counter都佈置用反斗車王黎做主題，則邊仲放左大大隻勞穌公仔，好想帶佢番屋企呀！
仲可以自製Tee，將你個名入落ipad再揀埋圖案就可以印一件屬於你自己獨一無二既Tee喇。
當然唔少得就係主題既反斗車王產品，有好多野可以揀，書包仔、車仔仲有好多好多野買。
有BB仔衫買，勁可愛買番幾件送俾人都好。
仲有咕𠱸買，阿愁果個真係超靚呀！即刻買番個番屋企攬。
仲有好多pixar公仔既貼紙，好多都好靚，價錢又唔算好貴，買番幾張傍身都唔錯。
而家興環保，買番個袋就岩哂喇，又可愛又大個真係超實用。
仲有三眼仔可以放電話架，真係瘋狂掃貨呀！
活動: 迪士尼．彼思《反斗車王3》賽車狂熱展覽
地點: 九龍塘達之路80號又一城
日期: 7月1日到31日
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
沒有留言:
張貼留言