香港迪士尼樂園同Marvel合作，「Iron Man Experience: Hong Kong Heroes #1」限定版漫畫推出，用左香港做背景之外仲有新既超級英雄出現，海運大廈近期就展出左多個超級英雄既展覽。
一行埋去已經勁多英雄既Poster放左係旁邊，我地一齊加入超級英雄行列去打壞人拯救地救喇！
海運既地下展出左六組巨型立體漫畫書，差唔多成 4 米高，比原本既放大左超過 10 倍以上，行埋去就覺得好震撼咁睇本好大既漫畫。
除左放大版既漫畫之外，仲特別為別注版漫畫裝置左3 個漫畫動感標題，大家可以行埋去扮漫畫入面既人物去打番張卡喇！
仲可以行入去，齊齊做埋超級英雄，仲要可以企正中間做主角。
最吸晴既一定係今次既主角，1:1 鐵甲奇俠人像模型既漫畫書，Ironman係半空打壞人既的立體限定版漫畫場景，Ironman迷一定唔可以錯過。
入到商場既地下中庭仲有即場買迪士尼飛既地方，介紹左樂園入面有咩Marvel英雄既遊樂景點。
旁邊就有Marvel夏日超級英雄訓練站，俾大家同幾個超級英雄見面，唔少得既緊係呢期hit到爆既蜘蛛俠，放到咁高真係岩哂佢飛黎飛去既形象呀！
雷神既鎚唔係個個都舉得起，你又有無能力去拎得起呢個神鎚呢？
1:1 美國隊長人像模型，呢個真係無得唔埋去打個卡呀。
連奇異博士都有登場，真係一模一樣架整到，超有型呀。
點會少得主角Ironman，只要你擺出同佢一樣既英雄姿勢，咁就可以同佢合照架喇，仲可以用QR code下載番張相呀！星期日既下晝仲會有工作坊，俾大人小朋友DIY番英雄既超級道具。準備好未呀？齊齊做英雄喇！
活動: Super Hero Summer
地址: 九龍尖沙咀廣東道3至27號海港城
日期: 即日到7月30日
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
沒有留言:
張貼留言