[KJFOODLIFE 大角咀] 熱溶朱古力波波 鄧鄧下超厚梳乎里班戟

去行完市集掃完貨，最好緊係係附近食埋晚飯再加甜品，以前去Holly Brown都係食雪糕，而家有埋正餐食，見到好多人叫個層層叠超厚身班戟。

一入門口就已經見到好大部機同埋勁多雪糕，不過今次我地既目標係班戟就下一次再食，仲有印左店名既咖啡機。

成個場既空間感都幾大，樓底好高同埋啲位唔會密密麻麻，天花仲吊起左個店名既裝飾好有特色。

見到有人食過呢個幾吸引，《香草燒雞》($168)燒春雞個皮幾脆入面都唔會燒到好鞋，食哂一大隻真係超級飽，仲配埋沙律同薯條都幾抵食。

另外叫左個主食《蟹肉露荀南瓜汁意大利飯》($168)，有滿滿既南瓜汁係飯粒，入面都有蟹肉絲同會有少少蟹肉係入面，飯粒係煮成較淋身款。

食完正餐緊係到甜品，《紐約時代廣場梳乎厘班戟》($168)一黎到已經見到勁高勁厚仲震騰騰，食之前淋個熱辣辣既朱古力醬，頂頂個朱古力波波會溶入面有馬卡龍，班戟空氣感十足，用左比利時朱古力好濃郁。

店名：Holly Brown Coffee Roasters

地址：荔枝角長順街15號D2 Place二期地下1號舖

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌:

[KJFOODLIFE 旺角] 輕輕鬆鬆小念頭 自學自製小蛋糕

終於終於食到小念頭，成個環境都好清新好舒服，每日蛋糕都係新鮮人手製造，之前都有睇過報導係店主自學好多蛋糕整法好有心機。

去到樓下其實要禁鐘先開到門，真係要細心先搵得到，上到去就會同旺角有另一個感覺，成個環境既感覺都好舒服，可以坐好耐慢慢享受既地方。

佢地既設計都幾有心思同幾有特色，有一個高枱位用左成幅葉既牆做裝飾，成個感覺即時Fresh左，仲有入門口既標語字句同埋一啲有心思既小盤栽擺放。

一入門口就係廚房位，見到櫃入面放左一款款蛋糕，淨係個樣都已經好吸引，真係要諗一陣先諗到揀邊一款好。

呢一款係俄羅斯既家常甜品，《俄羅斯蜂蜜蛋糕》($50)一黎到已經聞到勁香蜂蜜味，中間夾上左層層既乳酪，食落係好香既蜂蜜又唔會覺得好漏。

呢度大部份既甜品都以茶做底，本身就係泰式奶茶既愛好者，《泰式奶茶戚風雪山》($48)有鬆軟既戚風蛋糕上淋上泰奶醬，啡啡白白好似雪山一樣，有好香既奶茶味又唔會好似泰奶咁甜較為輕盈。

店主專門去左台灣學茶，見到呢杯係推介，《沖繩黑糖奶蓋炭焙烏龍》($46)奶蓋好厚實好重奶香，底層炭焙烏龍茶甘甘地，同奶蓋一齊飲會甜甘味都出。

餐牌上面既茶都好詳細咁寫低左有邊種功效，等你揀既時候就會更加清楚，《桂圓金萱茶》($44)用左幾粒桂圓，飲落都幾清香，另外有一小碗茶葉可以翻泡一次。

店名：小念頭

地址：旺角通菜街75號1樓

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌: