觀塘既工廈入面臥虎藏龍，愈黎愈多好野食開哂係工廈入面。今次一於行入去其中一間，正門已經落埋閘要由旁邊停車場入口入，經過小斜路轉過幾個彎。
終於見到呢個咁型既門口，用左灰白色做主調，印上好多壁畫，大大個高興招牌係度歡迎你。
一行到入門口就有個問題，究竟係理髮廳定餐廳黎架呢？答案係今天應該很高興係度食野，懷舊理髮枱係俾一個人獨食，望住自己食野個樣都幾搞笑又得意。
望上少少有個標語牌，俾人玩音樂既地方，希望大家係呢度都眾樂樂，高興咁食高興咁玩高興咁走。
餐廳入面有個枱俾人表演，設計都好有特色。旁邊層架放左好多懷舊裝飾，旁邊仲有個大紅花牌夠哂搶眼。
餐廳設計走懷舊風，舒適得黎又有情調。有馬賽克枱，懷舊梳化椅睇得出用左好多心機去搵去設計。
其他地方都有唔少懷舊裝飾，好特別係人地焗髮既設施變左做燈照明。
連餐具盤同夾餐紙都用左好精緻既用具。
松露雜菌意大利飯($70)，份量唔算少，飯比較煮得淋啲去迎合番香港人，不過都係鍾意食中間有咬口既意大利飯，松露唔係太香不過雜菌都幾多。
意式蕃茄帶子燴意大利飯($72)，你一見到咁紅就知真係超蕃茄，食到尾都仲淨好多茄汁係個底度，帶子稍微熟左少少。
檸檬忌廉楓糖pancake($48)，中間有一塊檸檬個樣都幾特別，食得酸先好試，因為就算落左楓糖依然食到好勁既酸味。
碎巧古力Oreo沙冰($34)，Oreo迷一定好鍾意，冰凍之外仲有朱古力醬加左，成杯都勁Chocolate，岩哂我呢D朱古力狂。
蜜糖檸檬特飲($30)，又係一杯酸味之作，今日唔知做咩叫左咁多酸野，不過整體係好飲既。
店名: 高興
地址: 觀塘成業街19-23號成業工業大廈地下2號舖
餐牌:
要睇更多資料記得Follow埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Openrice: KJFOODLIFE
Website: KJFOODLIFE飲食玩樂地圖
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
沒有留言:
張貼留言