台灣番黎之後就好掛住台灣既風景台灣既野食，終於係香港唔駛過海都食到寶島美食喇，阿元來了終於係九龍開分店，係觀塘都可以食到寶島夜市既好滋味喇！
旁邊係阿元來了既飲品店，平時行過都可以係度買番杯台式特飲，旁邊有個門口就係入餐廳既地方。
門口就有單車流動店既裝飾，好靚咁畫左新張開幕，準備入去大食台灣小吃。
店面大左不過長龍依舊，夜既都排左半個鐘度先入到去食。
點會少得阿元商店既招牌，櫃台有好多特別既台灣精品可以買，大家食飽都仲可以係度揀下野。
裝飾好有台灣特色，好似入黎就會見到暖暖車站既站牌同模仿車站入口既樣，上面仲掛左台灣特色既天燈。
仲有春風大戲院，牆上掛左好多電影既海報，好有台灣舊式戲院既感覺，去睇番場懷舊既電影喇。
成間店都可以見到唔同既懷舊裝飾，黑松沙士汽水台灣人一定會識，上次去都仲飲左枝試下。仲有懷舊既電話，海報，七星汽水牌等等全部都好有台灣古式既風味。
出菜地方好大個阿元來了既招牌，亦都模仿左夜市既設計，有兩個攤檔咁出魯肉飯鹽穌雞，坐低就好似去左台灣夜市咁熱鬧又食台灣風味。
連筷子筒都整左阿元來了既字樣好有心思。
招牌一定試魯肉飯($29)，五花腩切粒之後放哂係飯面，魯肉飯一定要肥多油脂香，呢豌完全做得到，入口超勁油香味，加上香濃既滷汁好想食多碗。
刈包($30)，食過台灣地道既簡直不能自拔，打開一睇好大塊肉呀，包夠軟熟肥肉又夠，再加上酸茶中和下肥膩感，不過包略嫌凍左啲。
滷味拼盤($25)，一定要夠入味，雞翼一咬已經勁入味，仲有豬耳最正，夠爽口。
炸花枝丸($35)，一碟有五大粒，烤到金黃色，入口熱辣辣差少少辣親，入面切開令到全粒花枝丸唔會炸過火，不過椒鹽唔夠無咩味。
九份芋圓($30)，一上原來都幾大碗下，芋圓有咬口，地瓜圓較突出芋圓味唔夠，糖水底都幾甜。
加埋檸檬冬瓜茶同芋香奶茶好似走左轉台灣夜市滿足咁走人。
店名: 阿元來了
地址: 觀塘鴻圖道28號地下
餐牌:
要睇更多資料記得Follow埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Openrice: KJFOODLIFE
Blogger: KJFOODLIFE飲食玩樂地圖
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
沒有留言:
張貼留言