[KJFOODLIFE 尖沙咀] 挪威自家養殖場出產 濃香咸蛋味三文魚

想食三文魚食得安全啲都係食挪威三文魚，店舖所有三文魚都係自家養殖場入口，仲有其他挪威既乾貨飲品買。

入面大多都係小食類可以買完企係側邊台仔食，雖然小店但係放左唔少好有特式既裝飾，一角仲有挪威既貨品賣好似朱古力、罐頭食品等等。

開放式廚房全部都係即叫即整，《金沙三文魚》($48)炸到金黃既三文魚，外面有滿滿既咸蛋黃醬，食落熱辣辣咸香味足，三文魚肉質亦唔鞋。

用上左兩隻魚做魚蛋既《挪威魚蛋》($25)，一款係三文魚一款係鱈魚，一樣彈牙一樣較實淨，一盒有齊兩款口感，加上小少辣醬更加惹味。

最後有埋兩樣我都鍾意食既《煙三文魚糖心蛋》($20)，蛋黃做到流心既效果，加上煙三文魚既咸香味，夾埋有滑身既蛋黃又有咸咸香香既口味。

店名：Norway House

地址：尖沙咀漆咸道南33-35號友聯大廈地下6號舖

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌:

[KJFOODLIFE 銅鑼灣] 眷村紅燒牛肉麵 台灣廚房地道台灣味

辛苦完一輪最緊要識得放鬆一下唔係就會好大壓力，銅鑼灣餐廳有台灣廚師駐場，放左好多懷舊裝飾可以邊飲邊食邊打卡，店員話呢排仲出左新餐單有多啲野揀。

可以叫個外賣野飲係出面坐低飲，入面就有台灣感覺，有靚靚既磚牆可以影相，掛上左好多關於台灣既掛畫，野飲位就好清新感覺。

另外仲有好多懷舊既裝飾，好似酒菸牌同埋撥輪電話，拎起影相打卡岩哂。成個環境都幾舒服，岩哂叫啲野食野飲傾下計。

去台灣店成日都會叫牛肉麵，《眷村紅燒牛肉麵》($78)牛肉幾厚身同大塊份量都幾多，肉質幾軟腍，湯頭濃香，麵條手工造厚身彈牙，配料有蘿蔔煮到超淋同好入味。

另一樣必點既一定係滷肉飯，《宜蘭鹽酥雞滷肉飯》($72)滷肉既肥肉比例適中，加上醬料既香味，鹽酥雞炸粉唔厚都唔會好油，仲配上香脆蝦片。

店員推介既小食《丫爸皮蛋豆腐》($42)，豆腐同皮蛋都整碎左撈埋一齊，食落好滑身又有皮蛋香，醬汁帶少少辣味好開胃。

有近排好多人飲既奶蓋，《起司奶蓋炭培烏龍茶》($35)，茶底幾清新加上面頭奶蓋咸香味夠，先呷一啖奶蓋有咸香再加上茶清新，兩種口味一次飲到。

店名：犇之食堂

地址：銅鑼灣白沙道11號地舖

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌:

[KJFOODLIFE 觀塘] 酒店海鮮半自助餐 即開任食生蠔

呢排公司搞完個大project緊係要慰勞下自己食番餐好，見到介紹觀塘開左間新酒店，近排推出左半自助晚餐，有海鮮有生蠔食都幾吸引。

食自助餐最緊要真係個環境要舒服，張台唔會太細放多D野食，餐廳用左白綠色為主色成個感覺都好柔和，同埋個位幾闊落坐得幾舒服。

一坐低已經每人都有龍蝦半隻同蟲草花雞湯，個湯都幾足料飲落幾濃味，入面有埋雞肉可以一齊食，龍蝦都幾大隻多肉，唔會太梅身可以接受。

主菜揀左《燒羊扒配時蔬》，都有兩隻羊架，羊扒燒完之後都仲好嫩身，羶味唔算太出，另外都算係多肉配上油脂位都幾香。

另一款叫左《焗西西里鱈魚》，魚肉係厚身同食落比較實淨，無咩魚腥味道，好特別咁配左白麵豉汁同埋有青豆蘿蔔。

除左主菜之外，最正當然仲有任食生蠔，每日有愛爾蘭或者法國生蠔，每隻都幾肥美，其他海鮮都有長腳蟹、蟹鉗、螺、海蝦等等都幾多選擇。

日式食品方面都有好多款刺身可以揀，好似三文魚、吞拿魚、八瓜魚、帆立貝，食左三文魚同帆立貝都幾新鮮，仲有冷豆腐可以食。

冷盤都有沙律，有希臘沙律、蘋果沙律、薯仔沙律，有好味既車里茄同脆脆麵包粒食仲有幾款醬可以揀。另外凍肉盤都有幾款揀同埋有芝士蕃茄沙律。

除左本身主菜之外都有幾款熱盤可以揀，有蘿蔔炆牛腩幾入味同好淋，有泰式既豬頸肉同青口，仲有炒肉碎豆。

甜品真係好多選擇，肥仔之選既花生醬朱古力蛋糕、仲有清新既雜果杏仁豆腐、柚子啫喱，特別既有百利甜酒奶凍配布朗尼蛋糕。

最開心真係見到個蛋糕櫃同雪糕櫃，朱古力慕絲蛋糕、拿玻倫同Tiramisu都好食，雪糕有本地既Airy Gelato仲有Haagen-Daz雪糕任食，入面仲包左好多隻味，真係食雪糕都回本。

店名：Walter Bistro

地址：觀塘巧明街97號智選假日酒店1樓

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌: