以前太子番工都未有咁多Cafe，而家反而愈開愈多，呢條食街以前Lunch成日黎食飯，而家開左呢間雪白既門口，仲有唔少花點綴感覺好清新好舒服。
用上左白色同木系既設計，成個感覺都係好清新好光亮，仲有唔少花裝飾同埋一大面既鏡牆，連天花都係用上左木條裝飾。
店外已經有一個花槽，入面枱面或者椅背都用上左唔少花做裝飾，五顏六色咁感覺好開心食野都會食得開心啲。
牆上面掛起左今個星期既精選野食，有圖有真相俾你睇埋先揀，仲有唔少好靚既油樽酒樽同材料樽既裝飾，簡簡單單既設計已經十分好。
每張枱都有唔同既圖案，好有俄羅斯既色彩，影相都有特色啲。
門口會有曲奇賣，仲有呢句"人生沒有夢想都很不像樣，夢想沒去實配那還不一樣"，好鍾意呢啲有金句既Cafe。
先叫左一個餐湯，今日既係《甘荀忌廉湯》($38)，甘荀味夠濃同幾足料，另外配上面包都好鬆軟，有別於一般西餐廳既餐包。
前菜點左個《海膽車大芝士焗大啡菇》($85)，大啡菇無焗到乾哂身仲有水份，面頭芝士味濃，中間夾上一大層海膽，成個真係超級邪惡超漏。
呢度主打甜品同自家製意粉，店員推介《牛油汁蜆肉自家製蝦米幼長通意大利粉》($138)，意粉係粗圓長身，咬口較為實淨，用上左中式材料有好香口蝦米味。
第二款係《香煎鴨胸伴咸蛋自家製意大利粉》($128)，意粉扁身較之前款淋身，用左咸蛋伴粉，有幾粒蛋黃仲見到，有幾大塊鴨胸煎完較乾身。
好期待既甜品《香蕉拖肥批》($52)，一層拖肥一層打得幼滑既忌廉，再加上香蕉同下層餅底，要一次過一齊食先最正。
叫左兩杯野飲，一杯《朱古力》($42)，用上左法國朱古力豆，個底同個邊都有勁多朱古力溶左係度，第二杯係《鮮奶伯爵紅茶》($38)，伯爵茶味好香濃。
店名：Hami Harmony
地址：太子西洋菜北街161號地下A舖
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言