雖然起左地鐵站，不過依然未俾好多高樓大廈包圍既西營盤，依然係小店既聚集好地方，入左呢間好舒服好有外國風又好重藝術感既餐廳。
一入去就見到兩個大既燈牌，日頭無開燈不過夜晚見到相開著左就會好靚好有Feel，都好match間店既感覺。
而家有花朝既popup store，門口放左好多好靚既花擺賣，賣之外都同令到店舖更多裝飾，大家鍾意小花束既一定要睇。
除左花朝之外門口都有好有情調既位，飲住杯咖啡，享受住日光浴真係好悠閒好舒服，仲有部古舊既點唱機。
白黃既牆上面掛上左好多唔同既畫，其中呢幅香港既景色我個人好鍾意，仲有叮叮係上面好有香港情懷。
呢度既枱櫈都好有特色，枱用左舊式感覺既木質，仲有好多唔同既花紋係上面，好有特色，櫈都畫左好多藝術畫，呢張Dont sit on me好得意。
行入少少仲會有一幅相片牆，上面掛上左兩盞馬賽克燈好歐洲感覺。放上左唔同既酒同酒杯，可以飲番兩杯。
望出去就會見到個後花園，成個感覺好似歐洲小屋既小花園，可以三五知己係度傾下計High下Tea，雖然係小小既角落但係都好花心思佈置。
二人餐($195)先有個《Salmon and Waffle Breakfast》，窩夫即叫即整，好香軟蛋味又夠濃加上清香既蜜糖真係好好既配搭，炒蛋炒得岩岩好超滑，仲有三大舊三文魚唧上少少檸檬汁更清新。
店員好細心見到我地就食完就整《Sweet Homemade Crepe》，揀左香蕉朱古力味，一大塊可麗餅煙煙靭靭配上好多朱古力醬，搭上好多香蕉同Glacio雪糕三聲就清左枱。
餐飲加十蚊叫左杯《Vanilla Latte》，夠幼滑加上微香既Vanilla味，食完甜品再飲真係大滿足呀。
店名：Crispy Bistro
地址：西環西營盤第二街32號
即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言