放幾日假緊係要食好啲，一於去擦餐勁既，今次去既呢間係正K11對面夠哂方便，岩哂放工直接衝過去食，夠近又夠方便。
門面既玻璃已經寫左佢地既招牌，都有好多唔同野食，同埋好多自家製既Pizza，意粉等等。入面環境都幾好，岩一班知已朋友傾下計又唔會坐得好迫。
餐廳既牆上面有好多唔同既畫，幾乎每一個位都有，畫上左廚師煮野食，入面有咩材料等等，睇得出呢個設計好花心思。
入面既燈都好靚，成個設計好走外國風，好似一啲小餐廳入面既燈位，另外仲寫左好多受歡迎同埋推介既野食。
前菜先叫個《白酒忌廉煮藍青口》($88)，青口大細適中，白酒味唔算出但個忌廉汁真係好濃，拎埋黎點麵包更正。
每道菜黎既時侯都會講點食好貼心，《海膽松露炒飯》($178)係可以紫菜包海膽食喇，包埋飯食喇，或者海膽撈飯食都得，個人覺得海膽鮮甜撈飯最好食。
再黎個《燒美國黑啤豬鞍扒》($198)，搽上左蜜糖燒烤汁，個黑啤味真係幾重幾出，豬鞍好大份亦燒得岩岩好，最特別係配上紅菜頭薯蓉好健康。
野飲好特別既《手搖紅茶配自家製檸檬雪條》($45)，檸檬茶上面再放上雪條，雪條就咁食又得，撈埋落野飲酸味更出。
再叫多左杯《百利酒鮮奶咖啡》($38)，沖既時候已經聞到勁香，一黎就咁已經聞到甜酒香氣，飲落酒香咖啡香並重。
食完哂主菜食甜品《冧酒提子配青檸芝士餅》($68)，擺盤好靚，青檸味唔會過酸，芝士亦唔過漏，兩者夾埋岩岩好，旁邊仲會配上冧酒提子。
店名：Petit Deli
地址：尖沙咀河內道2號地下
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
