深水埗多野食係人都知，今次去間新開既小店，真係係街市既街邊檔旁邊先搵到，唔落足眼力都見唔到，呢間小店獨孤一味專研番茄湯。
店舖周圍都會見到呢個鮮色既茄字，真係未行埋黎都已經知道呢度專做番茄，牆上面貼左一啲對店既報導，店員都好好咁有介紹特色既野食。
如果有唔明其實台面既餐紙都有介紹每碗既特色，有寫左入面係有咩野餸料，台面仲有調味料，如果鍾意有麻辣既朋友仔就岩哂。
先揀左個海鮮底既《一貝子》($68)，番茄湯真材實料無用番茄膏，加入牛骨牛腩煮成，今次配上上海麵，花甲即日朝早入貨勁新鮮，無沙無石既花甲加煎過既刺身級帶子，肉厚又鮮味。
牛魔怪既《犇犇有禮》($78)，番茄湯配上烏冬，牛肉用上肉味濃既驢牯牛，三種牛部位係牛面頰、崩沙腩、牛坑腩，最鍾意食崩沙腩連住肥膏位夠鬆化又有油香。
小食都有幾款《鮮炸紫菜墨魚丸》($24)，一碟有四粒即炸夠熱辣辣，同埋墨魚丸都幾彈牙爽口，加入埋紫菜就更加香口。
另一款《70度慢煮麻辣瑞士汁雞中翼》($28)，用上慢煮雞翼唔會鞋口，瑞士汁味夠香夠濃，最正係配上麻辣，食落口有少少既麻香更加有刺激感。
飲品叫左《檸檬雪梨露》($18)同埋《桂圓紅棗桑寄生茶》($18)，兩杯都好足料，雪梨露有絲絲既雪梨飲落好清甜。
店名：番茄師兄
地址：深水埗基隆街255號地舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎合作或查詢:
Email: kjfoodlife@gmail.com
餐牌:
