食左幾間放題同任食燒肉，要有質素咁令人回頭既燒肉刺身放題店唔多間，呢度係其中一間，因為肉類唔少同質素有保證。
每人都有張餐紙，唔止拎黎墊枱，上面仲講左先黎既燒肉盤包括左邊幾種肉類同埋唔同既肉類應該點樣燒，跟住包無錯架喇！
一直都用tab黎點餐，環保得黎又方便，仲每款都有樣睇唔驚點錯。
好多梳化位，環境一流，仲有圍住師傅既Bar枱位，望住即切魚生真係好正。
一黎就有架勁大刺身船，就算做埋燒肉都唔會忽略左刺身既質素，今次真係可以大食帆立貝喇！仲有生日送海膽真係超鮮。
四個人起預訂就會有活魚刺身送，有幸可以見到即場切，拎起就整魚生，真係超生猛仲識得跳架。
上枱影相果陣個口仲口擘擘咁，食落真係超新鮮，同肉質比較結實，2個人都有象拔蚌送。
食肉獸又點可以唔食肉呢？一黎就黎個全餐，有牛有豬，有最鍾意食既牛舌牛小排五花肉一口牛豬頸肉，即刻放哂落去大食一餐，諗番起都肚餓呀而家！
牛怪緊係要整番個全牛盤先夠滿足喇！
仲有海鮮可以燒架，有蝦有扇貝，好多都好新鮮。
雞泡魚乾真係強烈推介，燒完煙煙靭靭又勁香口。唔少得就係栗米喇，真係超多選擇揀。
食肉獸食左勁多肉之後食到超飽，最後嘆埋個movenpick先走滿足哂。食early dinner 7:45前埋單有75折好扺呀，9:30後有8折可以食宵夜。
店名: 伊賀日本燒肉料理
地址: 尖沙咀赫德道4號The Hart 3樓
價錢: 星期一至四$258 星五六日$298
要睇更多資料記得Follow埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Openrice: KJFOODLIFE
Blogger: KJFOODLIFE飲食玩樂地圖
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
