[KJFOODLIFE 九龍灣] 九龍灣迷你小店 自家製烘焙貝果

納入狠狠懲罰系列原因 - 支援遊行人士、香港設計儲分卡、響應罷工、FB表態

真係好迷你既小店，全場得一條小巷仔坐到幾個人，不過就有好多自家烘焙產品，如果大家呢頭番工絕對值得買杯咖啡支持下。

店舖門外放左塊黑版，經常都會換唔同既畫，除左有介紹一下自己既產品之外仲會有畫過一啲支持香港人既字句，每次見到都會覺得貼心。

就算店仔細細架撐都好齊全，咖啡機當然一定要有，每次一沖就全店都充滿左咖啡香，仲放左一個超大型既滴漏咖啡機。

《Flat White》：咖啡沖既時侯真係頂級香，聽到有客人問咖啡機，店員勁詳細推薦同介紹埋咖啡豆，覺得佢地好俾心機研究過，咖啡拉花都好出色，一呷咖啡真係高質素，配上牛奶囗感超順滑。

《焙茶Bagel》(Set$54) ：Bagel係自家製，叫完會烘番熱，外層有少少脆身，入面迎合番香港人做得較為軟熟，每日都有好多味揀好似黑芝麻、綠茶、藍莓等等，今次焙茶除左個樣得之外，真係有陣茶香味。

店名：Lungo

地址：九龍灣宏冠街6號鴻力工業中心B座地下B3B號

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌

[KJFOODLIFE 尖沙咀] 重慶大廈咖喱 必點惹味薄餅

納入狠狠懲罰系列原因 - 重慶手足connect

重慶大廈對香港人黎講真係深不可測，除左唱錢都好少會入去，自從手足connect之後，多左好多香港人去爆買爆食，好似呢一間好出名既店入面店員全部識廣東話，要黎居住會識得融入當地，會學當地語言文化而唔係強行要人地跟你先係正確態度。

一行到門口已經好多人sell你，最緊要揀定邊間一嗌個名就會有人帶你走，呢間店已經開左好耐，我地食飯時間去真係超多人，如果黎食最好訂定位，因為只係一間樓上店座位唔算好多。

《特式香料雞》($86）：其實雞既份量唔算好多，咖喱唔會好辣而有陣甜味蕃茄味，少少辣味加上有啲creamy，雞肉都幾嫩不過似後加入去唔太入味，不過連埋咖喱食一定夠味。

《咖喱牛腩》($82）：今次既牛腩炆得有啲韌，就算細舊都會有同樣情況，呢款咖喱較濃亦唔算辣，反而香料味好出。

《芝士薄餅》($39）：印度薄餅分左幾重，呢一款係Paeatha，質感上會厚身啲同軟淋啲，一上已經有勁香芝士味，食落好似咬緊pizza一樣，芝士味濃又煙韌。

《牛油烤餅》($27）：Naan係較為大塊既烤餅，用左麵粉發酵再放入黏土烤箱烤出黎，個底有少少脆脆地，面頭就較煙韌，點上咖喱食好好味。

《印度咖喱角》($39）：咖喱角分左薯蓉同牛肉兩款口味，今次先試左薯蓉，外皮炸過唔油膩亦香脆，入面滿滿既薯蓉唔辣係香味較重。

店名：7E咖喱王

地址：尖沙咀彌敦道36-44號重慶大廈E座7樓E2室

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌

[KJFOODLIFE 大埔] 識食緊係食 黃店牛肉飯

納入狠狠懲罰系列原因 - 播榮光音樂、響應罷工

自從吉x家染藍已經好耐無食牛肉飯打邊爐，今次呢間可以超級順氣咁行入去食，有牛肉飯有鐵板有鍋燒勁多選擇，完全係去幾次都唔會厭。

店舖大多都係採用卡位，而且唔會好迫埋一齊坐得幾舒服，都係同普通快餐廳一樣採取自助形式，牆上面有好多唔同牛魔怪既公仔。

《牛肉雜炊》($40）：因為想食烏冬加左兩蚊，入面都幾多塊牛肉對得住價錢，重點係真係有獅子狗，金菇粟米菇類腐皮木耳蟹柳好多料，個蛋就熟左少少，烏冬都唔係一夾就散，湯底都幾濃絕對值得食黎止癮。

《田園西生菜》(+$10）：套餐仲可以加錢追錢日式野菜或生菜，今次配左牛肉汁，淋上左牛肉汁唔算太濃，生菜都幾新鮮。

店名：加藤屋

地址：深水埗元州街34號地舖

屯門鄉事會路2A號H.A.N.D.S N區2樓N-204-206號

大埔太和路12號太和商場1樓101A號

慈雲山毓華街23號慈雲山中心地下1-3號

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌

[KJFOODLIFE 荃灣] 睇住展覽食蛋糕 必撐荃灣小店

納入狠狠懲罰系列原因 - 場地展覽、店內文宣、送postcard、響應罷工、捐星火

有間小店長期都有展覽睇，今期就睇叛逆中女既展覽，緊係要飲埋咖啡，係南豐紗廠咁文青既打卡地方，慢慢悠悠咁係黃店聞住咖啡香。

門口已經有幅小小既心型連儂牆，痴左黃幫襯既貼紙即係一定可以放心幫襯之外，仲有唔少好特別好有特色既文宣係門口。

店舖入面都好行文青既風格，門口既店名已經好有設計感，店入面都放左好多乾花令到環境好舒服，仲有書同一啲小裝飾可以買。

今期就有叛逆中女字畫展，今次展覽總共有十三幅字畫，叛逆中女用佢最擅長既文字同大家打個氣，將一啲留言或者感受寫出黎，記得黎感受一下香港人既熱情同溫暖，咁岩撞正星期六有手寫字工作坊，和你寫快閃寫字體驗。

《Tiramisu》($44)：蛋糕本身唔會做到好濕潤，入面蛋糕底同忌廉較挺身，忌廉亦打得夠滑，加上咖啡香個味道唔會好漏。

《Cafe Latte》($36）：首先杯既色已經好襯環境，好多乾花感覺柔和舒服，咖啡中既奶泡滑溜，奶味香，咖啡底亦出色。

店名：RETOLD coffee.tea.spirits

活動：叛逆中女 X RETOLD coffee.tea.spirits一周年企劃

日期：1/12/2019 - 9/2/2020

地址：荃灣白田壩街45號南豐紗廠1樓102號舖

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Openrice: KJFOODLIFE

歡迎合作或查詢:

Email: kjfoodlife@gmail.com

餐牌