[KJFOODLIFE 尖沙咀] 小清新天然果汁 文青必到打卡人氣店

度度都開台式珍珠奶茶，如果想飲得健康啲梗係要揀新鮮果汁，小巷之中都做到有小清新風，岩哂女孩子去打卡。

用上左白色藍色，仲有好多植物同道具俾大家打卡，成個感覺都好台式文青既小店舖，唔少女仔都拎住不停咁影相。

見到門口放左幾杯介紹既飲品都好靚，另外有整好左既生果，即時夾去整果汁夠哂足料。

先試左《鈕扣》($36)，上面有個花好精繳，果汁即叫即榨，用上左覆盆子、香蕉、菠蘿幾種水果變做漸層色，再加入蜜糖同perrier，夏天飲有汽既野特別爽，仲有啖啖既足料果香。

第二杯係勁靚既《芭比情歸何處》($36)，呢個玩味性重既名原來係杯打卡飲品，成杯好似七彩雲咁勁靚，水果用左草莓同藍莓形成藍粉紫色，加入燕麥牛奶整成milkshakes，奶味好出仲有燕麥既咬口同水果酸酸甜甜。

店名：花甜果室

地址：尖沙咀加連威老道52號嘉蘭大廈地下C號舖

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

餐牌:

[KJFOODLIFE 觀塘] 賣衫賣到開餐廳 觀塘工廈新打卡熱點

行過D2 Place都會見到間木系設計既賣日韓衫既舖頭，今次真係賣衫賣到開餐廳，將設計帶去係觀塘工廈度做起飲食業，沿用左日系木系設計打卡一流。

上到去發現原來就係之前食泰菜既隔離，拉開左木門之後就會見到都幾大個地方，成個地方都用上左白色同木黎設計。

最搶眼既就係中間呢個和室，可以係正中心既小屋入面食野咁，見到有一班女仔好興奮咁不停影相。

餐廳入面都放左唔少植物而且座位都好闊落，入面掛上左好多唔同舊式既裝飾，營造左好似日本小餐廳既感覺。

賣衫既舖頭過到黎都唔少得有少少野賣，旁邊仲掛上左件衫同有人形模型，而入門口右邊就係收銀台同蛋糕櫃。

第一個主菜叫左《Torio招牌青蘋紅茶咖喱飯》($78)，用上左紅茶同青蘋果煮配搭新鮮，有少少紅茶香滲出黎，咖喱香味略微不足，配上牛肋肉同薯仔亦太韌身。

第二道係《薑醋豚肉炒意大利麵》($78)，結合中式薑醋煮，有種酸酸甜甜味道，雖然勇於創新不過個人覺得有形而無神，要讚係跟餐沙律新鮮南瓜片輕烘過香脆十足。

餐飲加左$28叫左《FLAT WHITE》，個杯同匙都用左好靚既設計，不過咖啡香唔係好夠，另一杯係加$8既《糖漬柳橙紅茶》，有兩片大大片既橙跟埋一齊。

店名：TORIO喫茶部

地址：觀塘興業街16-18號美興工業大廈A座1樓4室

即刻入去Like & Share埋我地既其他頻道:

Facebook: KJFOODLIFE飲食玩樂地圖

Instagram: KJFOODLIFE

Website: KJFOODLIFE飲食玩樂地圖

Openrice: KJFOODLIFE

歡迎合作或查詢:

Email: kjfoodlife@gmail.com

餐牌: