去過沖繩食石垣牛就覺得好正，沖繩過江龍本身係日本都有十幾間分店，而家開到黎香港喇，食肉獸既我緊要去試。
而家有一個石垣美食祭，除左和牛之外都仲有小食可以食，拉開個小布簾一入去就見到好多日本店舖既舊相，同一啲石垣牛既介紹。
外面有卡位亦有普通位，入面就有一間房好似日本既設計，一大間房一班人食完和牛飲酒夠哂氣氛，外面就會見到廚房位好多靚牛放左係度。
日本餐廳真係較貼心，有濕毛巾可以俾大家清一清隻手，餐具都好有日本既特式。
先黎個前菜係《汁煮牛根》，呢個前菜真係好好食，個牛根煮得入味又夠淋，另外仲有蒟蒻加左個口感，個汁都好濃好味。
一場黎到緊係要食招牌既《石垣和牛88火焰牛扒》($288)，真係一黎就要準備相機，店員一倒落去就勁大火，燒一燒就會熄左，雄雄烈火燒完之後倒埋自家蒜蓉醬，牛扒中間依然嫩紅，食落牛味都出肉質有咬口，大家可以先叫生啲因為鐵板燒完會令牛扒更熟。
另外推介既係《石垣和牛牛扒三款拼盤》($388)，三款係赤身牛柳同西冷，赤身食落油香無咁重肉味好出，較有嚼勁，最多油份既係西冷，一入口啲油脂真係湧出黎一樣，仲可以點埋自家既蒜汁同雪鹽一齊食。
呢個賣相滿分既《和牛Toro生雞蛋拌飯》($120)，和牛拖羅隻色超靚，拮穿隻蛋撈上多多青蔥和牛拖羅同紫菜，食落好香青蔥同紫菜味和牛鮮味，加上雞蛋成個飯更滑，三扒兩撥就清左一碗。
野飲都有幾多選擇，叫左《Okinawa Lime Soda》($35)同《Calpis Soda》($35)，Lime酸酸地都幾解食完牛既油膩感。
店名：和牛88
地址：銅鑼灣登龍街28號永光中心13樓
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎報料同合作:
Email: kjfoodlife@gmail.com
Mobile: 63525193
餐牌:
沒有留言:
張貼留言